ਭਾਰਤ ਵਿੱਚ ਸਾਲ 2015 ਵਿੱਚ ਪੰਜ ਲੱਖ ਐਕਸੀਡੈਂਟ ਹੋਏ:ਡੇਢ ਲੱਖ ਦੇ ਕਰੀਬ ਲੋਕਾ ਦੀ ਜਾਨ ਗਈ

ਇੰਦੌਰ,: ਆਮ ਤੌਰ ‘ਤੇ ਮੰਨਿਆ ਜਾਂਦਾ ਹੈ ਕਿ ਸੜਕ ਹਾਦਸਿਆਂ ਦਾ ਖ਼ਤਰਾ ਦੇਰ ਅਤੇ ਤੜਕੇ ਸੱਭ ਤੋਂ ਵੱਧ ਹੁੰਦਾ ਹੈ। ਪਰ ਇਸ ਧਾਰਨਾ ਦੇ ਉਲਟ ਸਰਕਾਰੀ ਅੰਕੜੇ ਦਸਦੇ ਹਨ ਕਿ ਸਾਲ 2015 ਦੌਰਾਨ ਦੇਸ਼ ਵਿਚ ਦੁਪਹਿਰ ਤਿੰਨ ਵਜੇ ਤੋਂ ਸ਼ਾਮ ਛੇ ਵਜੇ ਵਿਚਾਲੇ ਸੱਭ ਤੋਂ ਵੱਧ ਸੜਕ ਹਾਦਸੇ ਹੁੰਦੇ ਹਨ। ਸੜਕ ਆਵਾਜਾਈ ਅਤੇ ਰਾਜ ਮਾਰਗ ਮੰਤਰਾਲੇ ਦੀ ਰੀਪੋਰਟ ‘ਭਾਰਤ ਵਿਚ ਸੜਕ ਹਾਦਸੇ 2015’ ਵਿਚ ਦਸਿਆ ਗਿਆ ਹੈ ਕਿ ਸਾਲ 2015 ਵਿਚ ਦੇਸ਼ ਵਿਚ 5,01,423 ਸੜਕ ਹਾਦਸੇ ਹੋਏ ਜਿਨ੍ਹਾਂ ਵਿਚ 1,46,133 ਲੋਕਾਂ ਦੀ ਜਾਨ ਗਈ। ਇਨ੍ਹਾਂ ਵਿਚੋਂ ਸੱਭ ਤੋਂ ਵੱਧ 87, 819 ਸੜਕ ਹਾਦਸੇ ਦੁਪਹਿਰ ਤਿੰਨ ਵਜੇ ਤੋਂ ਸ਼ਾਮ ਛੇ ਵਜੇ ਵਿਚਕਾਰ ਹੋਏ ਜੋ ਪਿਛਲੇ ਸਾਲ ਦੇ ਕੁਲ ਸੜਕ ਹਾਦਸਿਆਂ ਦਾ 17.51 ਫ਼ੀ ਸਦੀ ਹੈ।