ਭਾਰਤ ਮਹਾਨ:ਹਫਤਾ ਵਸੂਲੀ ਨੂੰ ਲੈ ਕੇ ਪੁਲਸ ਨੇ ਹੀ ਕੁੱਟੀ ਪੁਲਸ

ਲਖਨਊ— ਉੱਤਰ ਪ੍ਰਦੇਸ਼ ਦੇ ਲਖਨਊ ਜ਼ਿਲੇ ‘ਚ ਪੁਲਿਸ ਕਰਮਚਾਰੀਆਂ ਦਰਮਿਆਨ ਨਾਜਾਇਜ਼ ਵਸੂਲੀ ਨੂੰ ਲੈ ਕੇ ਹੋਈ ਕੁੱਟਮਾਰ ਦਾ ਮਾਮਲਾ ਸਾਹਮਣੇ ਆਇਆ ਹੈ।ਜਾਣਕਾਰੀ ਅਨੁਸਾਰ ਐੱਸ.ਪੀ. ਪ੍ਰਤਾਪ ਗੋਪੇਂਦਰ ਯਾਦਵ ਦਾ ਕਹਿਣਾ ਹੈ ਕਿ ਮਾਮਲਾ 22 ਜੂਨ ਦਾ ਹੈ।ਲੋਕਾਂ ਦਾ ਦੋਸ਼ ਹੈ ਕਿ ਨਾਜਾਇਜ਼ ਵਸੂਲੀ ਲਈ ਪੁਲਸ ਵਾਲਿਆਂ ਦਾ ਇਲਾਕਾ ਤੈਅ ਹੁੰਦਾ ਹੈ। ਪੁਲਸ ਵਾਲੇ ਆਪਣੇ ਇਲਾਕੇ ਅਨੁਸਾਰ ਹੀ ਵਸੂਲੀ ਕਰਦੇ ਹਨ। ਸਬਜ਼ੀ ਦਾ ਕੰਮ ਕਰਨ ਵਾਲੇ ਇਕ ਵਿਅਕਤੀ ਦਾ ਕਹਿਣਾ ਹੈ ਕਿ ਇੱਥੇ ਹਰ ਇਕ ਪੁਲਸ ਦਾ ਪੈਸਾ ਬੰਨ੍ਹਿਆ ਹੋਇਆ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਪੁਲਸ ਵਾਲਿਆਂ ਦਰਮਿਆਨ ਕੁੱਟਮਾਰ ਦਾ ਇਹ ਪਹਿਲਾ ਮਾਮਲਾ ਨਹੀਂ ਹੈ, ਇਸ ਤੋਂ ਪਹਿਲਾਂ ਵੀ ਪੁਲਸ ਵਾਲਿਆਂ ਦਰਮਿਆਨ ਵਸੂਲੀ ਨੂੰ ਲੈ ਕੇ ਕੁੱਟਮਾਰ ਹੋ ਚੁੱਕੀ ਹੈ।