ਫਾਰੂਕ ਅਬਦੁੱਲਾ ਨੇ ਫਿਰ ਕੀਤਾ ਵਿਵਾਦਿਤ ਬਿਆਨ ਕਿਹਾ, ਪਾਕਿ ਨਹੀਂ ਕਰਦਾ ਕੋਈ ਸਾਜਿਸ਼
ਜੰਮੂ— ਨੈਸ਼ਨਲ ਕਾਨਫਰੰਸ ਦੇ ਨੇਤਾ ਅਤੇ ਸੰਸਦ ਡਾ. ਫਾਰੂਕ ਅਬਦੁੱਲਾ ਅਤੇ ਵਿਵਾਦਿਤ ਬਿਆਨ ਦਾ ਰਿਸ਼ਤਾ ਹਰ ਦਿਨ ਡੂੰਘਾ ਹੁੰਦਾ ਜਾ ਰਿਹਾ ਹੈ। ਇਕ ਵਾਰ ਫਿਰ ਡਾ. ਅਬਦੁੱਲਾ ਨੇ ਆਪਣੀ ਜ਼ੁਬਾਨ ਨਾਲ ਤਿੱਖੇ ਬੋਲ ਬੋਲੇ ਹਨ। ਉਨ੍ਹਾਂ ਨੇ ਪੀ. ਐੈੱਮ. ਮੋਦੀ ਦੇ ਬਿਆਨ ‘ਤੇ ਪਲਟ ਵਾਰ ਕੀਤਾ ਹੈ। ਅਬਦੁੱਲਾ ਨੇ ਕਿਹਾ, ”ਮੋਦੀ ਖੁਦ ਪਾਕਿਸਤਾਨ ਗਏ ਸਨਅਤੇ ਪਾਕਿਸਤਾਨ ਕਦੇ ਸਾਜਿਸ਼ ਨਹੀਂ ਕਰਦਾ।”
ਜ਼ਿਕਰਯੋਗ ਹੈ ਕਿ ਪੀ. ਐੈੱਮ. ਮੋਦੀ ਨੇ ਗੁਜਰਾਤ ਚੋਣ ਦੌਰਾਨ ਭਾਸ਼ਣ ‘ਚ ਕਿਹਾ ਹੈ ਕਿ ਉਨ੍ਹਾਂ ਨੂੰ ਹਰਾਉਣ ਦੀ ਪਾਕਿਸਤਾਨ ਵੱਲੋਂ ਸਾਜਿਸ਼ ਕੀਤੀ ਜਾ ਰਹੀ ਹੈ। ਮੋਦੀ ਦੇ ਇਸ ਬਿਆਨ ਤੋਂ ਪਾਕਿ ਨੇ ਵੀ ਬਿਆਨ ਦਿੱਤਾ ਸੀ ਕਿ ਹਰ ਜਗ੍ਹਾ ਆਪਣੇਫਾਇਦੇ ਲਈ ਪਾਕਿਸਤਾਨ ਦਾ ਨਾਮ ਨਾਮ ਲੈਣ ਦੀ ਜ਼ਰੂਰਤ ਨਹੀਂ ਹੈ।
ਡਾ. ਫਾਰੂਕ ਅਬਦੁੱਲਾ ਨੇ ਹਿਮਾਚਲ ‘ਚ ਭਾਜਪਾ ਜਿੱਤ ਨੂੰ ਵੀ ਆਮ ਤੌਰ ‘ਤੇ ਲਿਆ ਅਤੇ ਕਿਹਾ ਹੈ ਕਿ ਹਿਮਾਚਲ ‘ਚ ਹਰ ਪੰਜ ਸਾਲ ਤੋਂ ਬਾਅਦ ਸਰਕਾਰ ਬਦਲਦੀ ਰਹਿੰਦੀ ਹੈ ਅਤੇ ਜੇ ਗੱਲ ਕਰੀਏ ਗੁਜਰਾਤ ਦੀ ਤਾਂ ਕਾਂਗਰਸ ਨੇ ਵੀ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਉਨ੍ਹਾਂ ਨੇ ਕਿਹਾ ਹੈ ਕਿ ਜੇਕਰ ਕੁਝ ਲੋਕ ਬਿਆਨਬਾਜੀ ਨਹੀਂ ਕਰਦੇ ਤਾਂ ਕਾਂਗਰਸ ਹੋਰ ਵੱਧ ਚੰਗਾ ਪ੍ਰਦਰਸ਼ਨ ਕਰ ਸਕਦੀ ਸੀ।
