ਟਰੰਟੋ ‘ਚ ਪੰਜਾਬੀ ਦੀ ਗੋਲੀ ਮਾਰ ਕੇ ਹੱਤਿਆ

ਓਂਟਾਰੀਓ :-ਬ੍ਰੈਂਪਟਨ ‘ਚ ਭਾਰਤੀ ਸਮੇਂ ਦੇ ਮੁਤਾਬਕ ਅੱਜ ਸਵੇਰੇ ਤੜਕੇ 28 ਸਾਲਾ ਇਕ ਪੰਜਾਬੀ ਨੌਜਵਾਨ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ। ਮ੍ਰਿਤਕ ਪਲਵਿੰਦਰ ਸਿੰਘ ਉਰਫ ਵਿੱਕੀ ਪੰਜਾਬ ਪੁਲਸ ਦੇ ਰਿਟਾ. ਥਾਣੇਦਾਰ ਗੁਰਮੇਜ ਸਿੰਘ ਵਾਸੀ ਨੈਸ਼ਨਲ ਐਵੇਨਿਊ (ਗਲੀ ਨੰ. 7) ਰਾਮਾਮੰਡੀ (ਜਲੰਧਰ) ਦਾ ਬੇਟਾ ਸੀ ਤੇ ਜਨਵਰੀ 2010 ‘ਚ ਕੈਨੇਡਾ ਗਿਆ ਤੇ ਉਥੇ ਜਾ ਕੇ ਉਸ ਨੇ ਬਿਜਨੈੱਸ ਡਿਪਲੋਮਾ ਕੀਤਾ । ਬ੍ਰੈਂਪਟਨ ‘ਚ ਉਹ ਆਪਣੇ ਦੋਸਤਾਂ ਨਾਲ ਰਹਿੰਦਾ ਸੀ ਤੇ ਘਰ ਤੋਂ ਕੁਝ ਦੂਰੀ ‘ਤੇ ਹੀ ਕੰਮ ਕਰਦਾ ਸੀ ।ਜਾਣਕਾਰੀ ਮੁਤਾਬਕ ਜਦੋਂ ਉਹ ਸੋਮਵਾਰ ਨੂੰ ਆਪਣੇ ਘਰ ਪਹੁੰਚਿਆ ਤਾਂ ਇਸ ਦੌਰਾਨ ਬਾਹਰੀ ਦਰਵਾਜੇ ਦੀ ਬੈੱਲ ਵੱਜੀ । ਉਸ ਨੇ ਦਰਵਾਜਾ ਖੋਲ੍ਹਿਆ ਤਾਂ ਇਕ ਨੀਗਰੋ ਨੇ ਉਸ ਨੂੰ ਗੋਲੀ ਮਾਰ ਦਿੱਤੀ । ਉਸ ਦੇ ਸਾਥੀ ਤੁਰੰਤ ਉਸ ਨੂੰ ਹਸਪਤਾਲ ਲੈ ਗਏ ਪਰ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਕਰ ਦਿੱਤਾ। ਬ੍ਰੈਂਪਟਨ ਪੁਲਸ ਨੇ ਵਾਰਦਾਤ ਨੂੰ ਅੰਜਾਮ ਦੇਣ ਵਾਲੇ 4 ਨੀਗਰੋਜ਼ ‘ਚੋਂ 2 ਨੂੰ ਗ੍ਰਿਫਤਾਰ ਕਰ ਲਿਆ ਹੈ ।
88