ਐ੍ਨਨ.ਆਈ.ਏ. ਨੇ ਜੱਗੀ ਜੌਹਲ ਨੂੰ ਫਿਰ ਲਿਆ ਹਿਰਾਸਤ ‘ਚ

ਮੋਹਾਲੀ —ਪੰਜਾਬ ਵਿਚ ਟਾਰਗੈੱਟ ਕਿਲਿੰਗ ਮਾਮਲਿਆਂ ਦੀ ਜਾਂਚ ਕਰ ਰਹੀ ਨੈਸ਼ਨਲ ਇਨਵੈਸਟੀਗੇਸ਼ਨ ਏਜੰਸੀ (ਐੱਨ. ਆਈ. ਏ.) ਵਲੋਂ ਲੁਧਿਆਣਾ ਨਿਵਾਸੀ ਆਰ. ਐੱਸ. ਐੱਸ. ਨੇਤਾ ਨਰੇਸ਼ ਕੁਮਾਰ ‘ਤੇ ਹਮਲੇ ਦੇ ਮਾਮਲੇ ਵਿਚ ਬ੍ਰਿਟਿਸ਼ ਨਾਗਰਿਕ ਜਗਤਾਰ ਸਿੰਘ ਉਰਫ ਜੱਗੀ ਜੌਹਲ ਨੂੰ ਪੁੱਛਗਿੱਛ ਲਈ ਕਾਨੂੰਨੀ ਹਿਰਾਸਤ ਵਿਚ ਲੈ ਕੇ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ।
ਮਾਣਯੋਗ ਅਦਾਲਤ ਨੇ ਜੌਹਲ ਨੂੰ ਚਾਰ ਦਿਨਾਂ ਦੇ ਪੁਲਸ ਰਿਮਾਂਡ ‘ਤੇ ਭੇਜ ਦਿੱਤਾ ਹੈ।ਹੁਣ ਉਸ ਨੂੰ ਰਿਮਾਂਡ ਪੂਰਾ ਹੋਣ ਉਪਰੰਤ 22 ਜਨਵਰੀ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ ਜਾਵੇਗਾ। ਜ਼ਿਕਰਯੋਗ ਹੈ ਕਿ ਐੱਨ. ਆਈ. ਏ. ਇਸ ਤੋਂ ਪਹਿਲਾਂ ਜੱਗੀ ਜੌਹਲ ਤੋਂ ਹੋਰ ਕਈ ਕੇਸਾਂ ਜਿਵੇਂ ਹਿੰਦੂ ਨੇਤਾ ਦੁਰਗਾ ਦਾਸ ਗੁਪਤਾ ਹੱਤਿਆ ਕਾਂਡ, ਰਵਿੰਦਰ ਗੋਸਾਈਂ ਹੱਤਿਆ ਕਾਂਡ ਵਿਚ ਵੀ ਪੁੱਛਗਿੱਛ ਕਰ ਚੁੱਕੀ ਹੈ।ਹੁਣ ਨਰੇਸ਼ ਕੁਮਾਰ ‘ਤੇ ਹੋਏ ਹਮਲੇ ਦੇ ਮਾਮਲੇ ਵਿਚ ਪੁੱਛਗਿੱਛ ਕਰ ਰਹੀ ਹੈ।