ਅਮਰੀਕੀ ਔਰਤ ਨਾਲ ਬਲਾਤਕਾਰ ਦੇ ਮਾਮਲੇ ‘ਚ ਪੀਪਲੀ ਲਾਈਵ ਦੇ ਸਹਿ-ਨਿਰਦੇਸ਼ਕ ਨੂੰ 7 ਸਾਲ ਦੀ ਕੈਦ

ਨਵੀਂ ਦਿੱਲੀ,: ਅਮਰੀਕੀ ਔਰਤ ਨਾਲ ਬਲਾਤਕਾਰ ਦੇ ਮਾਮਲੇ ‘ਚ ਦੋਸ਼ੀ ਕਰਾਰ ਦਿੱਤੇ ਜਾ ਚੁਕੇ ਫਿਲਮ ਪੀਪਲੀ ਲਾਈਵ ਦੇ ਸਹਿ-ਨਿਰਦੇਸ਼ਕ ਮਹਿਮੂਦ ਫਾਰੂਕੀ (44) ਨੂੰ ਵੀਰਵਾਰ ਨੂੰ ਅਦਾਲਤ ਨੇ 7 ਸਾਲਾਂ ਦੀ ਸਜ਼ਾ ਸੁਣਾਈ ਹੈ।ਨਾਲ ਹੀ ਦੋਸ਼ੀ ‘ਤੇ 50 ਹਜ਼ਾਰ ਦਾ ਜੁਰਮਾਨਾ ਵੀ ਲਾਇਆ ਗਿਆ ਹੈ।ਫਾਰੂਕੀ ਨੇ ਪਿਛਲੇ ਸਾਲ 28 ਮਾਰਚ ਨੂੰ ਇਕ ਅਮਰੀਕੀ ਕੁੜੀ ਨੂੰ ਆਪਣੇ ਘਰ ਬੁਲਾ ਕੇ ਉਸ ਨਾਲ ਬਲਾਤਕਾਰ ਕੀਤਾ ਸੀ। 35 ਸਾਲਾ ਅਮਰੀਕੀ ਕੁੜੀ ਕੋਲੰਬੀਆ ਯੂਨੀਵਰਸਿਟੀ ਦੀ ਵਿਦਿਆਰਥਣ ਸੀ ਅਤੇ ਆਪਣੀ ਰੀਸਰਚ ਦੀ ਥੀਸਿਸ ਪੂਰੀ ਕਰਨ ਲਈ 2014 ‘ਚ ਭਾਰਤ ਆਈ ਸੀ। ਪੀੜਤ ਕੁੜੀ ਦਾ ਦੋਸ਼ ਹੈ ਸੀ ਕਿ ਨਾ ਸਿਰਫ ਫਾਰੂਕੀ ਨੇ ਉਸ ਨਾਲ ਬਲਾਤਕਾਰ ਕੀਤਾ ਬਲਕਿ ਉਸ ਤੋਂ ਬਾਅਦ ਉਸ ਨੂੰ ਡਰਾਇਆ-ਧਮਕਾਇਆ ਵੀ ਤਾਂਕਿ ਉਹ ਪੁਲਿਸ ‘ਚ ਇਸ ਦੀ ਸ਼ਿਕਾਇਤ ਨਾ ਕਰ ਸਕੇ।ਮਹਿਮੂਦ ਫਾਰੂਕੀ ਫਿਲਮ ‘ਪੀਪਲੀ ਲਾਈਵ’ ਦੀ ਨਿਰਦੇਸ਼ਕ ਅਨੁਸ਼ਾ ਰਿਜਵੀ ਦੇ ਪਤੀ ਹਨ।