ਅਮਰੀਕਾ ਵਿਚ ਕ੍ਰਿਪਾਨ ਕਾਰਨ ਸਿੱਖ ਨੂੰ ਹਥਕੜੀ ਲਾਈ

ਬਾਲਟੀਮੋਰ,: ਅਮਰੀਕਾ ਦੇ ਮੈਰੀਲੈਂਡ ਸੂਬੇ ਵਿਚ ਇਕ ਅੰਮ੍ਰਿਤਧਾਰੀ ਸਿੱਖ ਨੂੰ ਹੋਰਨਾਂ ਲਈ ਖ਼ਤਰਾ ਦੱਸ ਕੇ ਗ੍ਰਿਫ਼ਤਾਰ ਕਰ ਲਿਆ ਗਿਆ। ਹਰਪ੍ਰੀਤ ਸਿੰਘ ਨੇ ਫ਼ੇਸਬੁਕ ਰਾਹੀਂ ਇਸ ਘਟਨਾ ਬਾਰੇ ਦਸਿਆ।

ਹਰਪ੍ਰੀਤ ਸਿੰਘ ਮੁਤਾਬਕ, ”ਮੈਂ ਬਾਲਟੀਮੋਰ ਸ਼ਹਿਰ ਦੇ ਇਕ ਗਰੌਸਰੀ ਸਟੋਰ ਵਿਚ ਕੁੱਝ ਸਾਮਾਨ ਖ਼ਰੀਦਣ ਗਿਆ ਸੀ ਅਤੇ ਉਥੇ ਮੌਜੂਦ ਲੋਕਾਂ ਮੇਰੀ ਕ੍ਰਿਪਾਨ ਵੇਖ ਕੇ ਪੁਲਿਸ ਨੂੰ ਸੂਚਿਤ ਕਰ ਦਿਤਾ ਜਿਸ ਮਗਰੋਂ ਪੁਲਿਸ ਅਧਿਕਾਰੀਆਂ ਨੇ ਮੇਰੀ ਕੋਈ ਦਲੀਲ ਸੁਣੇ ਬਗ਼ੈਰ ਹੀ ਹਥਕੜੀ ਲਾ ਦਿਤੀ ਅਤੇ ਮੈਨੂੰ ਨੇੜਲੇ ਪੁਲਿਸ ਥਾਣੇ ਵਿਚ ਲਿਜਾਇਆ ਗਿਆ।”