ਨਵੀਂ ਦਿੱਲੀ, ਜੇ.ਐਨ.ਐਨ. Khatron Ke Khiladi 13: ਅਲੀ ਬਾਬਾ: ਦਾਸਤਾਨ-ਏ-ਕਾਬੁਲ ਸ਼ੀਜ਼ਾਨ ਖਾਨ ਇਸ ਸਮੇਂ ਰੋਹਿਤ ਸ਼ੈਟੀ ਦੇ ਸਟੰਟ ਆਧਾਰਿਤ ਰਿਐਲਿਟੀ ਸ਼ੋਅ ‘ਖਤਰੋਂ ਕੇ ਖਿਲਾੜੀ ਸੀਜ਼ਨ 13’ ਵਿੱਚ ਨਜ਼ਰ ਆ ਰਿਹਾ ਹੈ। ਬਿੱਗ ਬੌਸ ਓਟੀਟੀ 2 ਪ੍ਰਤੀਯੋਗੀ ਫਲਕ ਨਾਜ਼ ਦਾ ਛੋਟਾ ਭਰਾ ਅਤੇ ਟੀਵੀ ਅਦਾਕਾਰ ਸ਼ੀਜਾਨ ਪਿਛਲੇ ਸਾਲ ਤੁਨੀਸ਼ਾ ਸ਼ਰਮਾ ਦੀ ਮੌਤ ਤੋਂ ਬਾਅਦ ਸੁਰਖੀਆਂ ਵਿੱਚ ਆਇਆ ਸੀ।
ਤੁਨੀਸ਼ਾ ਸ਼ਰਮਾ ਦੀ ਕਥਿਤ ਖੁਦਕੁਸ਼ੀ ਤੋਂ ਬਾਅਦ ਸ਼ੀਜਾਨ ਖਾਨ ਨੂੰ ਕਰੀਬ ਢਾਈ ਮਹੀਨੇ ਜੇਲ੍ਹ ਦੀ ਸਜ਼ਾ ਕੱਟਣੀ ਪਈ ਸੀ। ਮਾਰਚ ਦੇ ਪਹਿਲੇ ਹਫ਼ਤੇ ਉਹ ਠਾਣੇ ਕੇਂਦਰੀ ਜੇਲ੍ਹ ਤੋਂ ਜ਼ਮਾਨਤ ‘ਤੇ ਬਾਹਰ ਆਇਆ ਸੀ। ਹੁਣ ਹਾਲ ਹੀ ‘ਚ ਸ਼ੀਜ਼ਾਨ ਖਾਨ ਨੇ ਆਪਣੀ ਜ਼ਿੰਦਗੀ ਦੇ ਸਭ ਤੋਂ ਮੁਸ਼ਕਿਲ ਦਿਨਾਂ ਬਾਰੇ ਗੱਲ ਕੀਤੀ ਤੇ ਆਪਣੇ ਦਰਦ ਨੂੰ ਬਿਆਨ ਕਰਦੇ ਹੋਏ ਦੱਸਿਆ ਕਿ ਉਨ੍ਹਾਂ ਨੂੰ ਕਿਸ ਗੱਲ ਦਾ ਸਾਹਮਣਾ ਕਰਨਾ ਪਿਆ।
‘ਖਤਰੋਂ ਕੇ ਖਿਲਾੜੀ’ ਦੇ ਮੁਕਾਬਲੇਬਾਜ਼ ਸ਼ੀਜ਼ਾਨ ਖਾਨ ਨੇ ਈ-ਟਾਈਮਜ਼ ਨਾਲ ਖਾਸ ਗੱਲਬਾਤ ‘ਚ ਦੱਸਿਆ ਕਿ ਜੇਲ੍ਹ ਤੋਂ ਬਾਹਰ ਆਉਣ ਤੋਂ ਬਾਅਦ ਉਹ ਲਗਭਗ 70 ਦਿਨਾਂ ਤਕ ਨਹੀਂ ਸੁੱਤਾ। ਅਦਾਕਾਰ ਨੇ ਕਿਹਾ, ਜਨਵਰੀ ਵਿਚ ਮੇਰੀ ਜ਼ਮਾਨਤ ਰੱਦ ਹੋਣ ‘ਤੇ ਮੈਂ ਪੂਰੀ ਤਰ੍ਹਾਂ ਨਾਲ ਬਿਖਰ ਗਿਆ ਸੀ। ਬੇਲ ‘ਤੇ ਆਉਣ ਤੋਂ ਬਾਅਦ, ਮੈਂ 70 ਦਿਨਾਂ ਤਕ ਸ਼ਾਂਤੀ ਨਾਲ ਨਹੀਂ ਸੌਂ ਸਕਿਆ। ਮੈਂ ਆਪਣੇ ਹੀ ਘਰ ਵਿੱਚ ਅਜਨਬੀ ਮਹਿਸੂਸ ਕੀਤਾ। ਮੈਂ ਕਈ ਘੰਟੇ ਰੋਂਦਾ ਰਹਿੰਦਾ ਸੀਇਸ ਹਾਦਸੇ ਤੋਂ ਬਾਅਦ ਮੈਂ PTSD (ਪੋਸਟ ਟਰੌਮੈਟਿਕ ਸਟ੍ਰੈਸ ਡਿਸਆਰਡਰ) ਨਾਲ ਸੰਘਰਸ਼ ਕਰ ਰਿਹਾ ਹਾਂ। ਮੈਂ ਆਪਣੇ ਪਰਿਵਾਰ ਦਾ ਸ਼ੁਕਰਗੁਜ਼ਾਰ ਹਾਂ ਕਿ ਉਹ ਇਸ ਔਖੀ ਘੜੀ ਵਿੱਚ ਵੀ ਮੇਰੇ ਨਾਲ ਖੜੇ ਹਨ।”
ਜੇਲ੍ਹ ਤੋਂ ਬਾਹਰ ਆਉਣ ਤੋਂ ਬਾਅਦ ਮਿਲਿਆ ‘ਖਤਰੋਂ ਕੇ ਖਿਲਾੜੀ-13’
ਜੇਲ੍ਹ ਤੋਂ ਬਾਹਰ ਆਉਣ ਤੋਂ ਬਾਅਦ ਸ਼ੀਜਾਨ ਖਾਨ ਨੂੰ ਰੋਹਿਤ ਸ਼ੈੱਟੀ ਦੇ ਸ਼ੋਅ ‘ਖਤਰੋਂ ਕੇ ਖਿਲਾੜੀ’ ਦੇ ਸੀਜ਼ਨ 13 ਦਾ ਆਫਰ ਮਿਲਿਆ। ਹਾਲਾਂਕਿ ਜਦੋਂ ਇਹ ਖਬਰ ਆਈ ਤਾਂ ਸੋਸ਼ਲ ਮੀਡੀਆ ‘ਤੇ ਯੂਜ਼ਰਜ਼ ਦੋ ਗਰੁੱਪਾਂ ‘ਚ ਵੰਡੇ ਗਏ।
ਕਈ ਲੋਕਾਂ ਨੇ ‘ਖਤਰੋਂ ਕੇ ਖਿਲਾੜੀ’ ਦੇ ਨਿਰਮਾਤਾਵਾਂ ਨੂੰ ਤੁਨੀਸ਼ਾ ਸ਼ਰਮਾ ਦੀ ਮੌਤ ਲਈ ਜ਼ਿੰਮੇਵਾਰ ਠਹਿਰਾ ਕੇ ਟ੍ਰੋਲ ਕੀਤਾ, ਜਦਕਿ ਕੁਝ ਲੋਕਾਂ ਨੇ ਸ਼ੀਜ਼ਾਨ ਖਾਨ ਦਾ ਸਮਰਥਨ ਕੀਤਾ। ਫਲਕ-ਸ਼ਫਾਕ ਨਾਜ਼ ਦੇ ਭਰਾ ਸ਼ੀਜ਼ਾਨ ਖਾਨ ਨੇ ਇਸ ਟੈਲੀਵਿਜ਼ਨ ਰਿਐਲਿਟੀ ਸ਼ੋਅ ਨਾਲ ਆਪਣੇ ਕਰੀਅਰ ਦੀ ਦੂਜੀ ਪਾਰੀ ਦੀ ਸ਼ੁਰੂਆਤ ਕੀਤੀ ਤੇ ਉਨ੍ਹਾਂ ਨੂੰ ਆਪਣੇ ਪ੍ਰਸ਼ੰਸਕਾਂ ਦਾ ਪੂਰਾ ਸਮਰਥਨ ਮਿਲਿਆ।
