ਆਨਲਾਈਨ ਡੈਸਕ, ਨਵੀਂ ਦਿੱਲੀ : ਸਲਮਾਨ ਖਾਨ ਦੇ ਸ਼ੋਅ ‘ਬਿੱਗ ਬੌਸ 17’ ਨੂੰ ਸ਼ੁਰੂ ਹੋਏ ਤਿੰਨ ਹਫ਼ਤੇ ਤੋਂ ਵੱਧ ਦਾ ਸਮਾਂ ਹੋ ਗਿਆ ਹੈ। ਅਜਿਹੇ ‘ਚ ਸ਼ੋਅ ‘ਚ ਲਗਾਤਾਰ ਫੁੱਲ ਆਨ ਡਰਾਮਾ ਦੇਖਣ ਨੂੰ ਮਿਲ ਰਿਹਾ ਹੈ। ਹਾਲ ਹੀ ‘ਚ ਸਲਮਾਨ ਖਾਨ ਦੇ ਸ਼ੋਅ ਦਾ ਤੀਜਾ ਵੀਕੈਂਡ ਦਾ ਵਾਰ ਦੇਖਣ ਨੂੰ ਮਿਲ ਰਿਹਾ ਹੈ। ਸ਼ੁੱਕਰਵਾਰ ਦੇ ਐਪੀਸੋਡ ‘ਚ ਸਲਮਾਨ ਖਾਨ ਨੇ ਈਸ਼ਾ ਮਾਲਵੀਆ, ਅਭਿਸ਼ੇਕ ਕੁਮਾਰ ਤੇ ਸਮਰਥ ਜੁਰੇਲ ਨੂੰ ਜ਼ੋਰਦਾਰ ਤਾੜ ਲਗਾਈ।
ਇਸ ਦੇ ਨਾਲ ਹੀ ਸ਼ੋਅ ’ਚ ਬਿੱਗ ਬੌਸ ਓਟੀਟੀ 2’ ਦੇ ਵਿਨਰ ਐਲਵਿਸ਼ ਯਾਦਵ ਤੇ ਮਨੀਸ਼ਾ ਰਾਣੀ ਵੀ ਦਿਖਾਈ ਦਿੱਤੀ। ਐਲਵਿਸ਼ ਯਾਦਵ ਤੇ ਮਨੀਸ਼ਾ ਰਾਣੀ ਸ਼ੋਅ ’ਚ ਆਪਣਾ ਗਾਣਾ ਪ੍ਰੋਮੋਟ ਕਰਨ ਪਹੁੰਚੇ ਸੀ। ਬਿੱਗ ਬੌਸ 17 ਦੇ ਸੈਟ ’ਤੇ ਐਲਵਿਸ਼ ਯਾਦਵ ਤੇ ਮਨੀਸ਼ਾ ਰਾਣੀ ਨੇ ਸਲਮਾਨ ਖਾਨ ਦੇ ਨਾਲ ਕਾਫ਼ੀ ਮਸਤੀ ਕੀਤੀ। ਇਸ ਦੇ ਨਾਲ ਹੀ ਦਬੰਗ ਖਾਨ ਦੇ ਐਲਵਿਸ਼ ਤੋਂ ਇਕ ਵਿਵਾਦ ਦਾ ਜ਼ਿਕਰ ਕਰਦੇ ਹੋਏ ਮਸਤੀ ਕੀਤੀ।
ਸਲਮਾਨ ਖਾਨ ਨੇ ਕੀਤੀ ਐਲਵਿਸ਼ ਦੀ ਖਿਚਾਈ
ਬਿੱਗ ਬੌਸ ਓਟੀਟੀ 2 ਦੇ ਜੇਤੂ ਐਲਵਿਸ਼ ਯਾਦਵ ਅਤੇ ਮਨੀਸ਼ਾ ਰਾਣੀ ਆਪਣੇ ਗੀਤ ਨੂੰ ਪ੍ਰਮੋਟ ਕਰਨ ਲਈ ‘ਬਿੱਗ ਬੌਸ 17’ ਦੇ ਸ਼ੁੱਕਰਵਾਰ ਵਾਰ ਐਪੀਸੋਡ ਵਿੱਚ ਪਹੁੰਚੇ ਸਨ। ਮਨੀਸ਼ਾ ਅਤੇ ਐਲਵਿਸ਼ ਨੇ ਵੀ ਸ਼ੋਅ ਦੇ ਸੈੱਟ ‘ਤੇ ਸਲਮਾਨ ਖਾਨ ਨਾਲ ਉਨ੍ਹਾਂ ਦੇ ਗੀਤਾਂ ‘ਤੇ ਡਾਂਸ ਕੀਤਾ। ਇਸ ਦੇ ਨਾਲ ਹੀ ਮਨੀਸ਼ਾ ਅਦਾਕਾਰਾ ਨਾਲ ਫਲਰਟ ਕਰਦੀ ਵੀ ਨਜ਼ਰ ਆਈ।
ਫਿਰ ਸਲਮਾਨ ਖਾਨ ਨੇ ਮਸਤੀ ਕਰਦੇ ਹੋਏ ਐਲਵਿਸ਼ ਨੂੰ ਕਿਹਾ, ‘ਤੁਸੀਂ ਆਏ ਹੋ ਪਰ ਉਸ ਨੂੰ ਨਾਲ ਨਹੀਂ ਲਿਆਏ। ਅਜਿਹੇ ‘ਚ ਐਲਵਿਸ਼ ਨੇ ਮੁਸਕਰਾਉਂਦੇ ਹੋਏ ‘ਕਿਸ ਨੂੰ’ ਪੁੱਛਿਆ। ਸਲਮਾਨ ਨੇ ਕਿਹਾ, ‘ਤੁਸੀਂ ਸਾਨੂੰ ਕੀ ਵਾਪਸ ਕਰਨਾ ਚਾਹੁੰਦੇ ਹੋ’। ਇਸ ਤੋਂ ਬਾਅਦ ਐਲਵਿਸ਼ ਫਿਰ ਮੁਸਕਰਾਉਂਦੇ ਹਨ ਅਤੇ ਸਲਮਾਨ ਫਿਰ ਕਹਿੰਦੇ ਹਨ ‘ਤੁਹਾਡੀ ਟਰਾਫੀ’।
ਟਰਾਫੀ ਵਿਵਾਦ ‘ਤੇ ਬੋਲੇ ਐਲਵਿਸ਼
ਆਪਣੀ ‘ਟਰਾਫੀ ਵਿਵਾਦ’ ਬਾਰੇ ਗੱਲ ਕਰਦੇ ਹੋਏ ਐਲਵਿਸ਼ ਯਾਦਵ ਨੇ ਕਿਹਾ, ‘ਮੈਂ ਕਦੇ ਵੀ ਟਰਾਫੀ ਵਾਪਸ ਨਹੀਂ ਕਰਨਾ ਚਾਹੁੰਦਾ ਸੀ। ਇਹ ਸਭ ਇਸ ਲਈ ਹੋਇਆ ਕਿਉਂਕਿ ਆਨਲਾਈਨ ਬਹੁਤ ਜ਼ਿਆਦਾ ਨੈਗੇਟਿਵਿਟੀ ਸੀ। ਕਿਸੇ ਨੇ ਮੇਰੇ ਬਾਰੇ ਨੈਗੇਟਿਵੀਟੀ ਫੈਲਾਉਣੀ ਸ਼ੁਰੂ ਕਰ ਦਿੱਤੀ। ਇਸ ਲਈ ਮੈਂ ਹੈਰਾਨ ਸੀ ਕਿ ਕੀ ਅਜਿਹਾ ਇਸ ਲਈ ਹੋ ਰਿਹਾ ਹੈ ਕਿਉਂਕਿ ਮੈਂ ਟਰਾਫੀ ਜਿੱਤੀ ਸੀ। ਇਸ ਲਈ ਮੇਰੇ ਤੋਂ ਟਰਾਫੀ ਲੈ ਲਓ, ਪਰ ਨੈਗੇਟਿਵੀਟੀ ਨਾ ਫੈਲਾਓ।
ਸਲਮਾਨ ਖਾਨ ਨੇ ਦਿੱਤੀ ਐਲਵਿਸ਼ ਨੂੰ ਇਹ ਸਲਾਹ
ਸਲਮਾਨ ਖਾਨ ਐਲਵਿਸ਼ ਯਾਦਵ ਨੂੰ ਸਲਾਹ ਦਿੰਦੇ ਹੋਏ ਕਹਿੰਦੇ ਹਨ, ‘ਜਦੋਂ ਕੋਈ ਜਿੱਤਦਾ ਹੈ ਤਾਂ ਬਹੁਤ ਸਾਰੇ ਲੋਕ ਉਸਦੇ ਖ਼ਿਲਾਫ਼ ਖੜੇ ਹੋ ਜਾਂਦੇ ਹਨ। ਇਸ ਦੇ ਨਾਲ ਹੀ ਸੁਪਰਸਟਾਰ ਨੇ ਕਿਹਾ ਕਿ ਜੇਕਰ ਅਜਿਹਾ ਕੁਝ ਹੁੰਦਾ ਹੈ ਤਾਂ ਉਨ੍ਹਾਂ ਨੂੰ ਅਹਿਸਾਸ ਹੁੰਦਾ ਹੈ ਕਿ ਉਨ੍ਹਾਂ ਨੇ ਜ਼ਿੰਦਗੀ ‘ਚ ਕੁਝ ਹਾਸਲ ਕੀਤਾ ਹੈ। ਉਸ ਨੇ ਐਲਵਿਸ਼ ਨੂੰ ਸਲਾਹ ਦਿੱਤੀ ਕਿ ਉਹ ਇਨ੍ਹਾਂ ਗੱਲਾਂ ਬਾਰੇ ਜ਼ਿਆਦਾ ਚਿੰਤਾ ਨਾ ਕਰੇ।
