ਨਕਸਲੀਆਂ ਦਾ ਫਿਰ ਵੱਡਾ ਹਮਲਾ, ਰੇਲਵੇ ਸਟੇਸ਼ਨ ਫੂਕਿਆ

ਲੱਖੀ ਸਰਾਏ: ਬਿਹਾਰ ਦੇ ਲਖੀ ਸਰਾਏ ਜ਼ਿਲ੍ਹੇ ਦੇ ਮਸੂਦਨ ਰੇਲਵੇ ਸਟੇਸ਼ਨ ‘ਤੇ ਨਕਸਲੀਆਂ ਨੇ ਧਾਵਾ ਬੋਲ ਦਿੱਤਾ। ਉਨ੍ਹਾਂ ਨੇ ਦੋ ਰੇਲਵੇ ਮੁਲਾਜ਼ਮਾਂ ਨੂੰ ਅਗਵਾ ਕਰ ਲਿਆ ਤੇ ਸਿਗਨਲ ਪੈਨਲ ਵੀ ਫੂਕ ਦਿੱਤਾ। ਘਟਨਾ ਤੋਂ ਬਾਅਦ ਕੁਝ ਦੇਰ ਲਈ ਰੇਲਵੇ ਆਵਾਜਾਈ ਨੂੰ ਰੋਕ ਦਿੱਤਾ ਗਿਆ।

ਪੁਲਿਸ ਮੁਤਾਬਕ ਹਥਿਆਰਬੰਦ ਨਕਸਲੀਆਂ ਨੇ ਮੰਗਲਵਾਰ ਦੇਰ ਰਾਤ ਕਰੀਬ 12 ਵਜੇ ਸਟੇਸ਼ਨ ਉੱਪਰ ਧਾਵਾ ਬੋਲਿਆ ਤੇ ਉੱਥੇ ਸਿਗਨਲ ਪੈਨਲ ਵਿੱਚ ਅੱਗ ਲਾ ਦਿੱਤੀ। ਇਸ ਨਾਲ ਰੇਲਵੇ ਟੈਲੀਫੋਨ ਵਿਵਸਥਾ ਪੂਰੀ ਤਰ੍ਹਾਂ ਠੱਪ ਹੋ ਗਈ। ਘਟਨਾ ਤੋਂ ਬਾਅਦ ਭਾਗਲਪੁਰ-ਕਿਊਲ ਰੇਲਖੰਡ ‘ਤੇ ਰੇਲਾਂ ਦੀ ਆਵਾਜਾਈ ਥੋੜ੍ਹੀ ਦੇਰ ਲਈ ਪ੍ਰਭਾਵਿਤ ਰਹੀ। ਹਾਲਾਂਕਿ ਬਾਅਦ ਵਿੱਚ ਸਿਗਨਲਿੰਗ ਪੈਨਲ ਨੂੰ ਠੀਕ ਕਰ ਲਿਆ ਗਿਆ ਤੇ ਰੇਲਾਂ ਦੀ ਆਵਾਜਾਈ ਸ਼ੁਰੂ ਕਰ ਦਿੱਤੀ ਗਈ।