ਕਰੁਸ਼ਨਾ ਨੇ ਫਿਰ ਉਡਾਇਆ ਗੋਵਿੰਦਾ ਦਾ ਮਜ਼ਾਕ?

ਮਾਮਾ ਭਾਣਜਾ ਗੋਵਿੰਦਾ ਅਤੇ ਕਰੁਸ਼ਨਾ ਵਿੱਚਕਾਰ ਪਹਿਲਾਂ ਹੀ ਅਣ-ਬਣ ਹੋਈ ਪਈ ਹੈ ਅਤੇ ਹੁਣ ਕਰੁਸ਼ਨਾ ਨੇ ਫਿਰ ਤੋਂ ਅੱਗ ਵਿੱਚ ਤੇਲ ਪਾਉਣ ਵਾਲਾ ਕੰਮ ਕੀਤਾ ਹੈ। ਜੀ ਹਾਂ, ਸ਼ੋਅ ‘ਕੌਮੇਡੀ ਨਾਈਟਸ ਲਾਈਵ’ ਦਾ ਨਵਾਂ ਪ੍ਰੋਮੋ ਵੇਖ ਕੇ ਤਾਂ ਕੁੱਝ ਇੰਝ ਹੀ ਲੱਗ ਰਿਹਾ ਹੈ। ਹਾਲ ਹੀ ਵਿੱਚ ਰਿਲੀਜ਼ ਹੋਏ ਇਸ ਪ੍ਰੋਮੋ ਵਿੱਚ ਕਰੁਸ਼ਨਾ ਸਲਮਾਨ ਨੂੰ ਕਹਿੰਦੇ ਨਜ਼ਰ ਆ ਰਹੇ ਹਨ ਸ਼ੋਅ ‘ਤੇ ਆਉਣ ਲਈ ਨਾਲ ਹੀ ਉਹ ਇਹ ਵੀ ਕਹਿ ਰਹੇ ਹਨ ਕਿ ਉਹ ਮਾਮਾ ਨੂੰ ਕਦੋਂ ਦੇ ਬੁਲਾ ਰਹੇ ਹਨ ਪਰ ਉਹ ਆ ਨਹੀਂ ਰਹੇ।

ਗੋਵਿੰਦਾ ਇਸ ਗੱਲ ਦਾ ਪਹਿਲਾਂ ਜ਼ਿਕਰ ਕਰ ਚੁੱਕੇ ਹਨ ਕਿ ਉਹਨਾਂ ਨੂੰ ਕਰੁਸ਼ਨਾ ਦਾ ਮਖੌਲ ਕਰਨਾ ਪਸੰਦ ਨਹੀਂ ਹੈ। ਮਾਮਲਾ ਉਦੋਂ ਜ਼ਿਆਦਾ ਵਿਗੜ ਗਿਆ ਸੀ ਜਦ ਗੋਵਿੰਦਾ ਕਰੁਸ਼ਨਾ ਦੀ ਥਾਂ ਕਪਿਲ ਦੇ ਸ਼ੋਅ ‘ਤੇ ਚਲੇ ਗਏ ਸਨ। ਜਿਸ ਤੋਂ ਬਾਅਦ ਦੋਹਾਂ ਨੇ ਆਪਸ ਵਿੱਚ ਗੱਲਬਾਤ ਕਰਕੇ ਮਾਮਲਾ ਸੁਲਝਾ ਵੀ ਲਿਆ ਸੀ।