ਐਨਕਾਉਂਟਰ ਮਗਰੋਂ ਕਸ਼ਮੀਰ ਵਿੱਚ ਸਾੜਫੂਕ

ਸ਼੍ਰੀਨਗਰ: ਜੰਮੂ-ਕਸ਼ਮੀਰ ਦੇ ਸੋਪੋਰ ਵਿੱਚ ਮੰਗਲਵਾਰ ਨੂੰ ਇੱਕ ਕਸ਼ਮੀਰੀ ਨੌਜਵਾਨ ਦੇ ਐਨਕਾਉਂਟਰ ਮਗਰੋਂ ਭੜਕੀ ਭੀੜ ਨੇ ਪੁਲਿਸ ‘ਤੇ ਪਥਰਾਅ ਕੀਤਾ। ਪੁਲਿਸ ਵੱਲੋਂ ਮਾਰਿਆ ਗਿਆ ਨੌਜਵਾਨ ਸਮੀਰ ਅਹਿਮਦ ਵਾਨੀ ਹਿਜ਼ਬੁਲ ਦਾ ਕਮਾਂਡਰ ਸੀ।ਦੱਸਿਆ ਜਾ ਰਿਹਾ ਹੈ ਕਿ ਲੋਕਾਂ ਨੇ ਕਈ ਗੱਡੀਆਂ ਨੂੰ ਅੱਗ ਲਾ ਦਿੱਤੀ। ਸੋਪੋਰ ਦੇ ਪ੍ਰਦਰਸ਼ਨ ਵਿੱਚ ਸੈਂਕੜੇ ਲੜਕਿਆਂ ਨੇ ਭਾਰਤ ਵਿਰੋਧੀ ਤੇ ਆਜ਼ਾਦੀ ਲਈ ਨਾਅਰੇਬਾਜ਼ੀ ਕੀਤੀ।ਭੀੜ ਨੂੰ ਕਾਬੂ ਕਰਨ ਲਈ ਪੁਲਿਸ ਨੇ ਅੱਥਰੂ ਗੈਸ ਦੇ ਗੋਲੇ ਦਾਗੇ ਤੇ ਹਵਾਈ ਫਾਇਰਿੰਗ ਕੀਤੀ। ਉੱਧਰ ਇੱਕ ਸ਼ੱਕੀ ਅੱਤਵਾਦੀ ਨੇ ਬੀਜੇਪੀ ਨੇਤਾ ਦੇ ਗਾਰਡ ਤੋਂ ਏ.ਕੇ-47 ਲੁੱਟ ਲਈ।