ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ Rubina Dilaik: ਬਿੱਗ ਬੌਸ ਸੀਜ਼ਨ 14 ਦੀ ਜੇਤੂ ਰੁਬੀਨਾ ਦਿਲੈਕ ਇਨ੍ਹੀਂ ਦਿਨੀਂ ਆਪਣੀ ਜ਼ਿੰਦਗੀ ਦੇ ਸਭ ਤੋਂ ਖੂਬਸੂਰਤ ਪਲਾਂ ਨੂੰ ਜੀਅ ਰਹੀ ਹੈ। ਕੁਝ ਮਹੀਨੇ ਪਹਿਲਾਂ ਰੂਬੀਨਾ ਦਿਲੈਕ ਨੇ ਸੋਸ਼ਲ ਮੀਡੀਆ ‘ਤੇ ਪਤੀ ਅਭਿਨਵ ਸ਼ੁਕਲਾ ਨਾਲ ਆਪਣੀ ਪ੍ਰੈਗਨੈਂਸੀ ਦੀ ਜਾਣਕਾਰੀ ਫੈਨਜ਼ ਨੂੰ ਦਿੱਤੀ ਸੀ। ਉਸ ਨੇ ਆਪਣੇ ਯੂਟਿਊਬ ਵੀਲਾਗ ਵਿੱਚ ਦੱਸਿਆ ਸੀ ਕਿ ਉਹ ਸਿਰਫ਼ ਇੱਕ ਬੱਚੇ ਨੂੰ ਨਹੀਂ ਸਗੋਂ ਜੁੜਵਾਂ ਬੱਚਿਆਂ ਨੂੰ ਜਨਮ ਦੇਣ ਜਾ ਰਹੀ ਹੈ।
ਖਬਰਾਂ ਦੀ ਮੰਨੀਏ ਤਾਂ ਮਸ਼ਹੂਰ ਟੀਵੀ ਅਦਾਕਾਰਾ ਰੁਬੀਨਾ ਦਿਲੈਕ ਨੇ ਹਾਲ ਹੀ ‘ਚ ਜੁੜਵਾ ਬੇਟੀਆਂ ਨੂੰ ਜਨਮ ਦਿੱਤਾ ਹੈ। ਅਭਿਨੇਤਰੀ ਦੇ ਟ੍ਰੇਨਰ ਨੇ ਗਲਤੀ ਨਾਲ ਆਪਣੀ ਇੰਸਟਾਗ੍ਰਾਮ ਸਟੋਰੀ ‘ਤੇ ਇਸ ਦਾ ਜ਼ਿਕਰ ਕੀਤਾ ਸੀ, ਜਿਸ ਨੂੰ ਉਸਨੇ ਬਾਅਦ ਵਿੱਚ ਐਡਿਟ ਕੀਤਾ ਤੇ ਇੱਕ ਗੁਪਤ ਪੋਸਟ ਲਿਖਦੇ ਹੋਏ ‘ਵਧਾਈਆਂ’ ਲਿਖਿਆ। ਹੁਣ ਹਾਲ ਹੀ ‘ਚ ਰੁਬੀਨਾ ਦਿਲੈਕ ਦੀ ਆਪਣੇ ਜੁੜਵਾਂ ਬੱਚਿਆਂ ਨਾਲ ਤਸਵੀਰ ਇੰਟਰਨੈੱਟ ‘ਤੇ ਵਾਇਰਲ ਹੋ ਰਹੀ ਹੈ।
ਰੁਬੀਨਾ ਦਿਲੈਕ ਦੀ ਵਾਇਰਲ ਹੋਈ ਤਸਵੀਰ
ਤੁਹਾਨੂੰ ਦੱਸ ਦੇਈਏ ਕਿ ਹੁਣ ਤੱਕ ਨਾ ਤਾਂ ਰੁਬੀਨਾ ਦਿਲੈਕ ਤੇ ਨਾ ਹੀ ਅਭਿਨਵ ਸ਼ੁਕਲਾ ਨੇ ਅਧਿਕਾਰਤ ਤੌਰ ‘ਤੇ ਜੁੜਵਾਂ ਬੱਚਿਆਂ ਬਾਰੇ ਜਾਣਕਾਰੀ ਸਾਂਝੀ ਕੀਤੀ ਹੈ ਅਤੇ ਨਾ ਹੀ ਕੋਈ ਫੋਟੋ ਸ਼ੇਅਰ ਕੀਤੀ ਹੈ। ਜੁੜਵਾਂ ਬੱਚਿਆਂ ਨੂੰ ਜਨਮ ਦੇਣ ਦੀ ਖਬਰ ਦੇ ਵਿਚਕਾਰ ਇੱਕ ਫੋਟੋਸ਼ਾਪ ਵਾਲੀ ਤਸਵੀਰ ਸੋਸ਼ਲ ਮੀਡੀਆ ਅਤੇ ਯੂਟਿਊਬ ‘ਤੇ ਵਾਇਰਲ ਹੋ ਰਹੀ ਹੈ। ਵਾਇਰਲ ਹੋਈ ਇਸ ਤਸਵੀਰ ‘ਚ ਰੁਬੀਨਾ ਦਿਲੈਕ ਹਸਪਤਾਲ ਦੇ ਬੈੱਡ ‘ਤੇ ਪਈ ਹੈ ਅਤੇ ਉਸ ਦੇ ਜੁੜਵਾ ਬੱਚੇ ਵੀ ਉਨ੍ਹਾਂ ਦੇ ਨਾਲ ਹਨ।
ਇਸ ਕੋਲਾਜ ਫੋਟੋ ਵਿੱਚ ਦੋ ਜੁੜਵਾਂ ਬੱਚਿਆਂ ਦੀਆਂ ਫੋਟੋਆਂ ਵੀ ਹਨ। ਇਸ ਫਰਜ਼ੀ ਫੋਟੋ ਦੇ ਨਾਲ ਹੀ ਯੂਟਿਊਬ ‘ਤੇ ਇਹ ਵੀ ਦਾਅਵਾ ਕੀਤਾ ਗਿਆ ਸੀ ਕਿ ਰੂਬੀਨਾ ਦਿਲੈਕ ਨੇ ਖੁਦ ਹਸਪਤਾਲ ਦੀ ਇਹ ਫੋਟੋ ਸ਼ੇਅਰ ਕੀਤੀ ਹੈ। ਹਾਲਾਂਕਿ ਜੇਕਰ ਤੁਸੀਂ ਇਸ ਫੋਟੋ ਨੂੰ ਧਿਆਨ ਨਾਲ ਦੇਖੋਗੇ ਤਾਂ ਤੁਹਾਨੂੰ ਅਹਿਸਾਸ ਹੋਵੇਗਾ ਕਿ ਇਹ ਫੋਟੋਸ਼ਾਪ ਕੀਤੀ ਗਈ ਹੈ।
ਵਿਆਹ ਦੇ ਪੰਜ ਸਾਲ ਬਾਅਦ ਕੀਤਾ ਬੱਚੇ ਦਾ ਸੁਆਗਤ
ਰੁਬੀਨਾ ਦਿਲੈਕ ਅਤੇ ਅਭਿਨਵ ਸ਼ੁਕਲਾ ਦਾ ਵਿਆਹ 21 ਜੂਨ 2018 ਨੂੰ ਹੋਇਆ ਸੀ। ਦੋਵਾਂ ਦੇ ਵਿਆਹ ਨੂੰ ਪੰਜ ਸਾਲ ਹੋ ਗਏ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਰੁਬੀਨਾ ਤੇ ਅਭਿਨਵ ਸ਼ੁਕਲਾ ਦੋਵੇਂ ਬਿੱਗ ਬੌਸ ਸੀਜ਼ਨ 14 ਵਿੱਚ ਨਜ਼ਰ ਆਏ ਸਨ।
