ਪਾਕਿ ਮੰਤਰੀ ਨੇ ਭਾਰਤ ਨੂੰ ਦਿੱਤੀ ਯੁੱਧ ਦੀ ਧਮਕੀ, ਸੰਸਦਾਂ ਨੂੰ ਕਿਹਾ,ਜੰਗ ਲਈ ਰਹੋ ਤਿਆਰ

ਨਵੀਂ ਦਿੱਲੀ— ਪਾਕਿਸਤਾਨ ਵਲੋਂ ਜੰਮੂ -ਕਸ਼ਮੀਰ ਤੋਂ ਧਾਰਾ-370 ਖਤਮ ਕੀਤੇ ਜਾਣ ਦੀ ਖਬਰ ਤੋਂ ਪਾਕਿਸਤਾਨ ਬੌਖਲਾ ਗਿਆ ਹੈ। ਇਕ ਪਾਸੇ ਪਾਕਿਸਤਾਨੀ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਹੋਰਾਂ ਦੇਸ਼ਾਂ ਨਾਲ ਸਮਰਥਨ ਮੰਗਦੇ ਹੋਏ ਵਿਲਾਪ ਕਰ ਰਹੇ ਹਨ ਤਾਂ ਉੱਥੇ ਹੀ ਹੁਣ ਇਮਰਾਨ ਖਾਨ ਸਰਕਾਰ ਦੇ ਮੰਤਰੀ ਫਵਾਦ ਚੌਧਰੀ ਭਾਰਤ ਨੂੰ ਯੁੱਧ ਦੀ ਧਮਕੀ ਦੇ ਰਹੇ ਹਨ। ਫਵਾਦ ਨੇ ਟਵੀਟ ਕਰਦੇ ਹੋਏ ਲਿਖਿਆ ਕਿ ਭਾਰਤ ਕਸ਼ਮੀਰ ਨੂੰ ਫਿਲਿਸਤੀਨ ਬਣਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ।

ਭਾਰਤ ਨੇ ਜਦੋਂ ਹੀ ਕਸ਼ਮੀਰ ‘ਚ ਧਾਰਾ-370 ਨੂੰ ਖਤਮ ਕੀਤਾ ਤਾਂ ਪਾਕਿਸਤਾਨ ਸੈਨਾ ਪ੍ਰਮੁੱਖ ਨੇ ਤੁਰੰਤ ਕਸ਼ਮੀਰ ਦੇ ਹਾਲਾਤ ‘ਤੇ ਚਰਚਾ ਲਈ ਕਮਾਂਡਰਾਂ ਦੀ ਮੀਟਿੰਗ ਕਾਲ ਕਰ ਦਿੱਤੀ। ਉਨ੍ਹਾਂ ਨੇ ਕਾਪਰਸ ਕਮਾਂਡਰਾਂ ਦੇ ਨਾਲ ਮੰਗਲਵਾਰ ਨੂੰ ਲੰਬੀ ਬੈਠਕ ਕੀਤੀ। ਇਕ ਨਿਊਜ਼ ਏਜੰਸੀ ਮੁਤਾਬਕ ਕਾਪਰਸ ਕਮਾਂਡਰਾਂ ਦੀ ਬੈਠਕ ਦਾ ਏਜੰਡਾ ਜੰਮੂ-ਕਸ਼ਮੀਰ ‘ਚ ਧਾਰਾ-370 ਨੂੰ ਖਤਮ ਕਰਨ ਕੇ ਭਾਰਤ ਦੇ ਕਦਮ ਅਤੇ ਨਿਯੰਤਰਣ ਰੇਖਾ ‘ਤੇ ਮੌਜੂਦਾ ਹਾਲਾਤ ਅਤੇ ਕਸ਼ਮੀਰ ‘ਚ ਉਸ ਦੇ ਅਸਰ ਦਾ ਵਿਸ਼ਲੇਸ਼ਣ ਕਰਨਾ ਸੀ।