ਸੰਤੋਸ਼ ਕੁਮਾਰ ਸਿੰਗਲਾ, ਮਲੌਦ : ਨਗਰ ਪੰਚਾਇਤ ਮਲੌਦ ਦੀ ਬੀਤੀ ਟਰਮ ‘ਚ ਵਾਰਡ-9 ਜੋ ਕਿ ਪੱਛੜੀ ਜਾਤੀ ਲਈ ਰਿਜ਼ਰਵ ਸੀ, ਉਸ ‘ਚ ਕੌਂਸਲਰ ਵਜੋਂ ਸੇਵਾ ਨਿਭਾ ਚੁੱਕੇ ਗੁਰਦੀਪ ਸਿੰਘ ਕਾਲਾ ਸੋਮਲ ਖੇੜੀ ਨੇ ਕਿਹਾ ਭਾਵੇਂ ਇਸ ਵਾਰ ਇਹ ਵਾਰਡ ਜਨਰਲ ਇਸਤਰੀ ਲਈ ਰਿਜ਼ਰਵ ਹੋ ਚੁੱਕਿਆ ਹੈ ਪਰ ਉਨ੍ਹਾਂ ਦਾ ਪਰਿਵਾਰ ਇਸ ਵਾਰ ਵੀ ਕਾਂਗਰਸ ਪਾਰਟੀ ਵੱਲੋਂ ਚੋਣ ਮੈਦਾਨ ‘ਚ ਉਤਰੇਗਾ। ਸਾਬਕਾ ਕੌਂਸਲਰ ਗੁਰਦੀਪ ਸਿੰਘ ਕਾਲਾ ਨੇ ਕਿਹਾ ਪਿਛਲੀ ਟਰਮ ‘ਚ ਕਾਂਗਰਸ ਪਾਰਟੀ ਵੱਲੋਂ ਚੋਣ ਲੜੀ ਸੀ ਤੇ ਪੂਰੇ 5 ਸਾਲ ਵਾਰਡ ਵਾਸੀਆਂ ਲਈ ਸਮਰਪਿਤ ਰਹਿ ਕੇ ਸੇਵਾ ਕੀਤੀ ਤੇ ਲੱਖਾਂ ਰੁਪਏ ਦੀ ਲਾਗਤ ਨਾਲ ਵਿਕਾਸ ਕਾਰਜ ਕਰਵਾਏ ਸਨ। ਇਸ ਲਈ ਵਾਰਡ ਵਾਸੀਆਂ ਵੱਲੋਂ ਮਿਲ ਰਹੇ ਭਰਵੇਂ ਹੁੰਗਾਰੇ ਤੋਂ ਬਾਅਦ ਹੀ ਸੀਟ ਜਨਰਲ ਇਸਤਰੀ ਰਿਜ਼ਰਵ ਹੋਣ ਦੇ ਬਾਵਜੂਦ ਉਨ੍ਹਾਂ ਦੀ ਪਤਨੀ ਸੁਰਿੰਦਰ ਕੌਰ ਇਸ ਵਾਰਡ ਤੋਂ ਲੜਨਗੇ ਤੇ ਵੱਡੀ ਲੀਡ ਨਾਲ ਜਿੱਤ ਕੇ ਪਾਰਟੀ ਨੂੰ ਮਜ਼ਬੂਤ ਕਰਨਗੇ।