ਅਮਰੀਕਾ ਦੇ ਜੰਗਲਾਂ ਨੂੰ ਲੱਗੀ ਅੱਗ ਦਾ ਧੂੰਆਂ ਕੈਨੇਡਾ ਪ

ਐਬਟਸਫੋਰਡ 10 ਸਤੰਬਰ (ਗੁਰਦੀਪ ਸਿੰਘ ਗਰੇਵਾਲ)- ਅਮਰੀਕਾ ਦੇ ਕੈਲੀਫੋਰਨੀਆ, ਓਰਗਨ ਤੇ ਵਾਸ਼ਿੰਗਟਨ ਸੂਬਿਆਂ ਦੇ ਜੰਗਲਾਂ ਨੂੰ ਲੱਗੀ ਅੱਗ ਦਾ ਧੂੰਆਂ ਸਰਹੱਦ ਪਾਰ ਕਰਕੇ ਕੈਨੇਡਾ ਪਹੁੰਚ ਗਿਆ ਤੇ ਅਮਰੀਕਾ ਸਰਹੱਦ ਨਾਲ ਲੱਗਦੇ ਬਿ੍ਟਿਸ਼ ਕੋਲੰਬੀਆ ਸੂਬੇ ਦੇ ਨਾਲ ਲੱਗਦੇ ਤਕਰੀਬਨ 700 ਕਿਲੋਮੀਟਰ ਦੇ ਘੇਰੇ ਵਿਚ ਆਉਂਦੇ ਸ਼ਹਿਰਾਂ ਤੱਕ ਫੈਲ ਚੁੱਕਾ ਹੈ | ਇਸ ਧੂੰਏਾ ਕਾਰਨ ਦਿਨ ਵੇਲੇ ਹਨੇਰਾ ਮਹਿਸੂਸ ਹੋ ਰਿਹਾ ਹੈ | ਵੈਨਕੂਵਰ ਦੇ ਮੌਸਮ ਵਿਗਿਆਨੀਆਂ ਨੇ ਹਵਾ ਦੀ ਗੁਣਵੱਤਾ ਨੂੰ ਲੈ ਕੇ ਚਿਤਾਵਨੀ ਜਾਰੀ ਕੀਤੀ ਗਈ ਹੈ, ਜਿਸ ਵਿਚ ਉਨ੍ਹਾਂ ਕਿਹਾ ਹੈ ਕਿ ਇਕ ਬਰੀਕ ਕਣ ਪਦਾਰਥ ਜਿਸ ਨੂੰ ਪੀ.ਐਮ. 2.5 ਵੀ ਕਿਹੈ ਜਾਂਦਾ ਹੈ, ਆਸਾਨੀ ਨਾਲ ਅੰਦਰ ਜਾ ਸਕਦਾ ਹੈ ਜੋ ਸਿਹਤ ਲਈ ਹਾਨੀਕਾਰਕ ਹੁੰਦਾ ਹੈ, ਖਾਸ ਕਰਕੇ ਪੀ.ਐਮ. 2.5 ਦਾ ਐਕਸਪੋਜ਼ਰ ਦਿਲ ਦੀ ਬਿਮਾਰੀ, ਫੇਫੜੇ, ਦਮਾ ਤੇ ਸ਼ੂਗਰ ਦੇ ਮਰੀਜ਼ਾਂ ਅਤੇ ਛੋਟੇ ਬੱਚਿਆਂ, ਬਜ਼ੁਰਗਾਂ ਤੇ ਗਰਭਵਤੀ ਔਰਤਾਂ ਲਈ ਘਾਤਕ ਹੁੰਦਾ ਹੈ ਮੌਸਮ ਵਿਗਿਆਨੀ ਮਾਈਕਲ ਕੁਸ ਨੇ ਦੱਸਿਆ ਕਿ ਇਹ ਧੰੂਆਂ 3-4 ਦਿਨ ਤੱਕ ਰਹਿ ਸਕਦਾ ਹੈ ਤੇ ਕੰਸਟਰੱਕਸ਼ਨ ਤੇ ਖੇਤਾਂ ਵਿਚ ਕੰਮ ਕਰਨ ਵਾਲੇ ਕਾਮਿਆਂ ਨੂੰ ਪੂਰੀ ਇਹਤਿਆਤ ਰੱਖਣੀ ਚਾਹੀਦੀ ਹੈ |