Uttarkashi Tunnel Rescue Operation : ਉੱਤਰਕਾਸ਼ੀ ‘ਚ ਸੁਰੰਗ ‘ਚ ਫਸੇ 41 ਮਜ਼ਦੂਰਾਂ ਨੂੰ ਬਾਹਰ ਕੱਢਣ ਲਈ ਜੰਗੀ ਪੱਧਰ ‘ਤੇ ਬਚਾਅ ਕਾਰਜ ਚੱਲ ਰਿਹਾ ਹੈ ਪਰ ਬਚਾਅ ਕਾਰਜਾਂ ਨੂੰ ਪੂਰਾ ਹੋਣ ਵਿੱਚ ਸਮਾਂ ਲੱਗ ਸਕਦਾ ਹੈ। ਆਪ੍ਰੇਸ਼ਨ ਦੌਰਾਨ ਮਸ਼ੀਨ ਟੁੱਟਣ ਦੀ ਖ਼ਬਰ ਹੈ। ਇਸ ਦੇ ਟੁੱਟੇ ਹੋਏ ਹਿੱਸੇ ਬਾਹਰ ਕੱਢੇ ਜਾ ਰਹੇ ਹਨ।
ਦੱਸ ਦੇਈਏ ਕਿ 8 ਰਾਜਾਂ ਦੇ 41 ਮਜ਼ਦੂਰ ਸੁਰੰਗ ਵਿੱਚ ਫਸੇ ਹੋਏ ਹਨ। ਜਿਸ ਤਰ੍ਹਾਂ ਬਚਾਅ ਕਾਰਜ ਚੱਲ ਰਿਹਾ ਹੈ, ਉਸ ਤੋਂ ਲੱਗਦਾ ਹੈ ਕਿ ਮਜ਼ਦੂਰਾਂ ਨੂੰ ਬਾਹਰ ਆਉਣ ਵਿੱਚ ਹੋਰ ਸਮਾਂ ਲੱਗ ਸਕਦਾ ਹੈ।
ਮਜ਼ਦੂਰਾਂ ਦੀ ਤਬੀਅਤ ਵਿਗੜੀ
ਸ਼ਨਿਚਰਵਾਰ ਨੂੰ ਸੁਰੰਗ ਦੇ ਅੰਦਰ 3 ਮਜ਼ਦੂਰਾਂ ਦੀ ਤਬੀਅਤ ਵਿਗੜ ਗਈ ਹੈ। ਡਾਕਟਰ ਨੇ ਪਾਈਪ ਰਾਹੀਂ ਜ਼ਰੂਰੀ ਦਵਾਈਆਂ ਦਿੱਤੀਆਂ ਹਨ। ਤਿੰਨੇ ਮਜ਼ਦੂਰਾਂ ਨੂੰ ਸਿਰਦਰਦ, ਉਲਟੀ ਅਤੇ ਛਾਤੀ ਵਿੱਚ ਦਰਦ ਦੀ ਸ਼ਿਕਾਇਤ ਦੱਸੀ ਗਈ ਹੈ। ਕੁਝ ਮਜ਼ਦੂਰਾਂ ਨੇ ਖਾਣਾ ਛੱਡਿਆ, ਸਵੇਰ ਤੋਂ ਮਜ਼ਦੂਰਾਂ ਨੇ ਖਾਣਾ ਨਹੀਂ ਖਾਧਾ, ਮਜ਼ਦੂਰਾਂ ਨੂੰ ਟੈਨਸ਼ਨ ਹੋ ਰਹੀ ਹੈ। ਪਰਿਵਾਰਾਂ ਨਾਲ ਗੱਲਬਾਤ ਦੌਰਾਨ ਮਜ਼ਦੂਰ ਭਾਵੁਕ ਹੋ ਗਏ। ਤੁਰੰਤ ਤਿੰਨ ਡਾਕਟਰ ਮੌਕੇ ‘ਤੇ ਭੇਜੇ ਗਏ ਜੋ ਹੁਣ ਸਾਰੇ ਮਜ਼ਦੂਰਾਂ ਨਾਲ ਗੱਲਬਾਤ ਕਰਨਗੇ।
ਕਦੋਂ ਅਤੇ ਕਿਵੇਂ ਨਿਕਲਣਗੇ ਮਜ਼ਦੂਰ
ਦੱਸ ਦੇਈਏ ਕਿ ਉੱਤਰਕਾਸ਼ੀ ਦੇ ਸਿਲਕਿਆਰਾ ਸੁਰੰਗ ਹਾਦਸੇ ਤੋਂ ਬਾਅਦ ਬਚਾਅ ਕਾਰਜਾਂ ਵਿੱਚ ਤੀਜੀ ਵਾਰ ਰੁਕਾਵਟ ਆਈ ਹੈ। ਇਸ ਵਾਰ ਦੀ ਰੁਕਾਵਟ ਨੂੰ ਸਭ ਤੋਂ ਵੱਡਾ ਮੰਨਿਆ ਜਾ ਰਿਹਾ ਹੈ। ਇਹ ਸੰਭਾਵਨਾ ਵਧਦੀ ਜਾ ਰਹੀ ਹੈ ਕਿ ਉਪਰ ਤੋਂ ਹੇਠਾਂ ਵੱਲ ਡ੍ਰਿਲਿੰਗ ਦੇ ਨਾਲ ਹੀ ਮੈਨੁਅਲ ਡ੍ਰਿਲਿੰਗ ਦਾ ਫੈਸਲਾ ਕੀਤਾ ਜਾ ਸਕਦਾ ਹੈ। ਇਸ ਨਾਲ ਸੁਰੰਗ ਦੇ ਅੰਦਰ ਫਸੇ 41 ਮਜ਼ਦੂਰਾਂ ਦੀ ਕਿਸਮਤ ਅਜੇ ਵੀ ਅਨਿਸ਼ਚਿਤ ਬਣੀ ਹੋਈ ਹੈ। ਬਚਾਅ ਮੁਹਿੰਮ ਵਿਚ ਸ਼ੁੱਕਰਵਾਰ ਰਾਤ ਇਕ ਵੱਡੀ ਸਮੱਸਿਆ ਆ ਗਈ ਸੀ। ਜਿਸ ਨਾਲ ਏਜੰਸੀਆਂ ਨੂੰ ਫਿਲਹਾਲ ਡ੍ਰਿਲਿੰਗ ਦਾ ਕੰਮ ਰੋਕਣਾ ਪਿਆ।ਬਚਾਅ ਮੁਹਿੰਮ ਦੇ ਆਖਰੀ ਗੇੜ ਵਿਚ ਅਮਰੀਕੀ ਵਰਮਾ ਮਸ਼ੀਨ ਮੈਟਲ ਗਰਾਊਂਡ ਨਾਲ ਟਕਰਾ ਗਈ। ਇਸ ਨਾਲ ਐੱਨਡੀਆਰਐੱਫ, ਐੱਨਡੀਆਰਐੱਫ, ਆਈਟੀਬੀ ਅਤੇ ਹੋਰ ਕੇਂਦਰੀ ਅਤੇ ਰਾਜ ਏਜੰਸੀਆਂ ਦੇ ਜ਼ਰੀਏ ਉੱਤਰਕਾਸ਼ੀ ਬਚਾਅ ਸਥਾਨ ‘ਤੇ ਫਸੇ ਮਜ਼ਦੂਰਾਂ ਨੂੰ ਕੱਢਣ ਦੀ ਸਮਾਂ ਹੱਦ ਮੁੜ ਵਧ ਸਕਦੀ ਹੈ।
