ਐਂਟਰਟੇਨਮੈਂਟ ਡੈਸਕ, ਨਈ ਦੁਨੀਆ : Bigg Boss 17: ਬਿੱਗ ਬੌਸ 17 ਨੂੰ ਸ਼ੁਰੂ ਹੋਏ ਕੁਝ ਹੀ ਦਿਨ ਹੋਏ ਹਨ ਤੇ ਸ਼ੋਅ ‘ਚ ਹਰ ਰੋਜ਼ ਨਵਾਂ ਮਸਾਲਾ ਦੇਖਣ ਨੂੰ ਮਿਲ ਰਿਹਾ ਹੈ। ਫਿਲਹਾਲ ਦਰਸ਼ਕ ਇਸ ਸ਼ੋਅ ਨੂੰ ਕਾਫੀ ਪਸੰਦ ਕਰ ਰਹੇ ਹਨ। ਸ਼ੁੱਕਰਵਾਰ ਦੇ ਐਪੀਸੋਡ ‘ਚ ਕਈ ਕੰਟੈਸਟੈਂਟਸ ਵਿਚਾਲੇ ਲੜਾਈ ਹੋਈ। ਸੋਨੀਆ ਬਾਂਸਲ ਤੇ ਮਨਾਰਾ ਚੋਪੜਾ ਵਿਚਕਾਰ ਅਣਬਣ ਸ਼ੁਰੂ ਹੋ ਗਈ। ਐਸ਼ਵਰਿਆ ਸ਼ਰਮਾ ਸੋਨੀਆ ਬਾਂਸਲ ਨਾਲ ਗੱਲ ਕਰਨ ਜਾਂਦੀ ਹੈ, ਉਦੋਂ ਹੀ ਅੰਕਿਤਾ ਵਿਚ ਆ ਜਾਂਦੀ ਹੈ। ਜਦੋਂ ਐਸ਼ਵਰਿਆ ਅੰਕਿਤਾ ਨੂੰ ਚੁੱਪ ਰਹਿਣ ਲਈ ਕਹਿੰਦੀ ਹੈ ਤਾਂ ਉਹ ਗੁੱਸਾ ਹੋ ਜਾਂਦੀ ਹੈ। ਇਸ ਤੋਂ ਬਾਅਦ ਦੋਵਾਂ ਵਿਚਾਲੇ ਬਹਿਸ ਸ਼ੁਰੂ ਹੋ ਜਾਂਦੀ ਹੈ। ਬਾਅਦ ‘ਚ ਐਸ਼ਵਰਿਆ ਨੀਲ ਨੂੰ ਕਹਿੰਦੀ ਨਜ਼ਰ ਆ ਰਹੀ ਹੈ ਕਿ ਅੰਕਿਤਾ ਫਾਲਤੂ ‘ਚ ਉਸ ‘ਤੇ ਚੜ੍ਹ ਗਈ।
ਆਪਸ ‘ਚ ਭਿੜ ਗਏ ਵਿੱਕੀ-ਅੰਕਿਤਾ
ਕੁਝ ਸਮੇਂ ਬਾਅਦ ਅੰਕਿਤਾ ਆਣੇ ਗਿਲੇ-ਸ਼ਿਕਵੇ ਮਿਟਾਉਣ ਐਸ਼ਵਰਿਆ ਕੋਲ ਆਉਂਦੀ ਹੈ। ਦੋਵੇਂ ਜੱਫੀ ਪਾ ਕੇ ਸਭ ਕੁਝ ਠੀਕ ਕਰ ਲੈਂਦੀਆਂ ਹਨ। ਨੀਲ ਭੱਟ ਨੇ ਇਸ ਨੂੰ ਅੰਕਿਤਾ ਦਾ ਦਿਖਾਵਾ ਦੱਸਿਆ। ਵਿੱਕੀ ਇਸ ਬਿੱਗ ਬੌਸ ਸ਼ੋਅ ‘ਚ ਕਾਫੀ ਐਕਟਿਵ ਹਨ, ਜਿਸ ਕਾਰਨ ਉਹ ਅੰਕਿਤਾ ਨਾਲ ਬਹੁਤ ਘੱਟ ਸਮਾਂ ਬਿਤਾ ਰਹੇ ਹਨ। ਇਸ ਗੱਲ ਨੂੰ ਲੈ ਕੇ ਅੰਕਿਤਾ ਨੂੰ ਕਾਫੀ ਪਰੇਸ਼ਾਨੀ ਹੋਈ ਤੇ ਦੋਹਾਂ ਵਿਚਾਲੇ ਤਕਰਾਰ ਵੀ ਹੋਈ। ਵਿੱਕੀ ਨੇ ਕਿਹਾ ਕਿ ਉਨ੍ਹਾਂ ਵਿਚ ਇੰਨੀ ਹਿੰਮਤ ਕਿੱਥੇ ਕਿ ਉਹ ਕਿਸੇ ਹੋਰ ਨੂੰ ਪਪੀਤਾ ਖੁਆਉਣਗੇ। ਇਹ ਦੇਖ ਕੇ ਅੰਕਿਤਾ ਗੁੱਸੇ ‘ਚ ਆ ਗਈ ਤੇ ਪੁੱਛਿਆ ਕਿ ਕੀ ਉਹ ਉਸ ਨੂੰ ਆਜ਼ਾਦੀ ਨਹੀਂ ਦਿੰਦੀ। ਇਸ ਤੋਂ ਬਾਅਦ ਅੰਕਿਤਾ ਨੂੰ ਗੁੱਸਾ ਆ ਜਾਂਦਾ ਹੈ ਤੇ ਵਿੱਕੀ ਨੇ ਉਨ੍ਹਾਂ ਨੂੰ ਮਨਾਉਂਦੇ ਹਨ।
2 ਕਰੋੜ ਦੇ ਕੇ ਸ਼ੋਅ ਛੱਡਣ ਨੂੰ ਤਿਆਰ
ਜਦੋਂ ਨੀਲ ਭੱਟ ਅਨੁਰਾਗ ਡੋਭਾਲ ਨੂੰ ਅੰਕਿਤਾ ਦੀ ਗੱਲ ਐਕਸਪਲੇਨ ਕਰ ਰਹੇ ਹੁੰਦੇ ਹਨ, ਉਦੋਂ ਹੀ ਵਿੱਕੀ ਜੈਨ ਆਉਂਦੇ ਹਨ ਤੇ ਉਨ੍ਹਾਂ ਨੂੰ ਗੁੱਸੇ ‘ਚ ਧੱਕਾ ਦਿੰਦੇ ਹਨ। ਇਸ ‘ਤੇ ਨੀਲ ਗੁੱਸੇ ‘ਚ ਆ ਜਾਂਦਾ ਹੈ ਤੇ ਦੋਹਾਂ ਵਿਚਕਾਰ ਜ਼ਬਰਦਸਤ ਝਗੜਾ ਹੋ ਜਾਂਦਾ ਹੈ। ਘਰ ਦੇ ਬਾਕੀ ਮੈਂਬਰ ਦੋਹਾਂ ਵਿਚਕਾਰ ਦਖਲ ਦਿੰਦੇ ਹਨ। ਬਾਅਦ ‘ਚ ਨੀਲ ਭੱਟ ਰੋਣ ਲੱਗ ਪੈਂਦਾ ਹੈ। ਇਸ ਦੇ ਨਾਲ ਹੀ ਅਨੁਰਾਗ ਦਾ ਕਹਿਣਾ ਹੈ ਕਿ ਉਹ 2 ਕਰੋੜ ਦੇਣ ਤੋਂ ਬਾਅਦ ਸ਼ੋਅ ਛੱਡਣ ਲਈ ਤਿਆਰ ਹਨ। ਜੇਕਰ ਉਹ ਸ਼ੋਅ ਤੋਂ ਬਾਹਰ ਜਾਂਦੇ ਹਨ ਤਾਂ ਅਰੁਣ ਤੇ ਸੰਨੀ ਵੀ ਉਨ੍ਹਾਂ ਦੇ ਨਾਲ ਜਾਣਗੇ। ਤਿੰਨੋਂ ਇਸ ਗੱਲ ਲਈ ਰਾਜ਼ੀ ਹੋ ਜਾਂਦੇ ਹਨ।
