ਆਨਲਾਈਨ ਡੈਸਕ, ਨਵੀਂ ਦਿੱਲੀ : ਬਿੱਗ ਬੌਸ 17 ਦਾ ਆਉਣ ਵਾਲਾ ਐਪੀਸੋਡ ਕਾਫੀ ਧਮਾਕੇਦਾਰ ਹੋਣ ਵਾਲਾ ਹੈ। ਇਸ ਵਾਰ ਵੀਕੈਂਡ ਕਾ ਵਾਰ ਵਿੱਚ ਦਰਸ਼ਕ ਮੁਨੱਵਰ ਫਾਰੂਕੀ ਬਾਰੇ ਉਹ ਗੱਲਾਂ ਜਾਣ ਸਕਦੇ ਹਨ ਜੋ ਸ਼ਾਇਦ ਉਨ੍ਹਾਂ ਨੇ ਅੱਜ ਤੱਕ ਸੁਣੀਆਂ, ਪੜ੍ਹੀਆਂ ਜਾਂ ਦੇਖੀਆਂ ਨਹੀਂ ਹੋਣਗੀਆਂ। ਇਸ ਹਫ਼ਤੇ ਇਕ ਹੋਰ ਕੰਟੈਸਟੈਂਟ ਦੀ ਵਾਈਲਡ ਕਾਰਡ ਐਂਟਰੀ ਹੋਵੇਗੀ ਤੇ ਇਹ ਕੰਟੈਸਟੈਂਟ ਮੁਨੱਵਰ ਫਾਰੂਕੀ ਦੇ ਹੋਸ਼ ਉਡਾਉਣ ਵਾਲੀ ਹੈ।

‘ਬਿੱਗ ਬੌਸ 17’ ‘ਚ ਆਇਸ਼ਾ ਖਾਨ ਦੀ ਐਂਟਰੀ

ਨਿਰਮਾਤਾਵਾਂ ਨੇ ਨਵੇਂ ਵਾਈਲਡ ਕਾਰਡ ਦਾ ਵੀਡੀਓ ਅਪਲੋਡ ਕੀਤਾ ਹੈ। ਆਇਸ਼ਾ ਖਾਨ ਨੇ ਆਪਣੇ ਐਂਟਰੀ ਫੋਟੋਸ਼ੂਟ ‘ਚ ਖੁਦ ਨੂੰ ਪੇਸ਼ ਕਰਨ ਦੇ ਨਾਲ ਹੀ ਮੁਨੱਵਰ ਬਾਰੇ ਕੁਝ ਖੁਲਾਸੇ ਕੀਤੇ ਹਨ। ਉਨ੍ਹਾਂ ਕਿਹਾ ਕਿ ਤੁਸੀਂ ਸਾਰੇ ਮੈਨੂੰ ਆਇਸ਼ਾ ਖਾਨ ਦੇ ਨਾਂ ਨਾਲ ਜਾਣਦੇ ਹੋ। ਮੁਨੱਵਰ ਫਾਰੂਕੀ ਸ਼ੋਅ ਵਿੱਚ ਇੱਕ ਕੰਟੈਸਟੈਂਟ ਹੈ। ਮੇਰਾ ਉਸ ਨਾਲ ਹਿਸਟਰੀ ਹੈ।

‘ਮੁਨੱਵਰ ਜਿਵੇਂ ਦਿਸਦਾ ਹੈ ਉਹ ਹੈ ਨਹੀਂ’

ਉਸਨੇ ਕਿਹਾ, “ਮੁਨੱਵਰ ਜਿਸ ਤਰ੍ਹਾਂ ਦਾ ਦਿਸਦਾ ਹੈ, ਉਹ ਉਸ ਤਰ੍ਹਾਂ ਦਾ ਨਹੀਂ ਹੈ। ਸ਼ੋਅ ‘ਚ ਤੁਸੀਂ ਦਿਖਾਉਂਦੇ ਹੋ ਕਿ ਤੁਸੀਂ ਕਮਿਟੇਡ ਹੋ।” ਉਸ ਨੇ ਕਿਹਾ ਕਿ ਮੁਨੱਵਰ ਨੇ ਉਸ ਨੂੰ ਆਈ ਲਵ ਯੂ ਕਿਹਾ ਸੀ ਤੇ ਵਿਆਹ ਕਰਨ ਦੀ ਗੱਲ ਵੀ ਕੀਤੀ ਸੀ। ਗ਼ਲਤੀਆਂ ਮਾਫ਼ ਕੀਤੀਆਂ ਜਾਂਦੀਆਂ ਹਨ, ਪਾਪ ਨਹੀਂ। ਜਦੋਂ ਉਹ ਸ਼ੋਅ ‘ਚ ਜਾਵੇਗੀ ਤਾਂ ਉਹ ਚਾਹੁੰਦੀ ਹੈ ਕਿ ਮੁਨੱਵਰ ਉਸ ਤੋਂ ਮੁਆਫੀ ਮੰਗੇ।

ਮੁਨੱਵਰ ਨਾਲ ਰਿਸ਼ਤੇ ਬਾਰੇ ਕੀਤੀ ਪੁੱਛਗਿੱਛ

ਟਾਈਮਜ਼ ਦੀ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਮੁਨੱਵਰ ਨੇ ਆਇਸ਼ਾ ਨੂੰ ਕਿਹਾ ਕਿ ਉਸਦਾ ਨਾਜ਼ੀਲਾ ਨਾਲ ਬ੍ਰੇਕਅੱਪ ਹੋ ਗਿਆ ਹੈ ਹਾਲਾਂਕਿ ਇਹ ਸੱਚ ਨਹੀਂ ਸੀ। ਮੁਨੱਵਰ ਨੇ ਉਸ ਨੂੰ ਇੱਕ ਮਿਊਜ਼ਿਕ ਵੀਡੀਓ ਵਿੱਚ ਕਾਸਟ ਕਰਨ ਦੀ ਗੱਲ ਵੀ ਕੀਤੀ ਸੀ ਜੋ ਕਦੇ ਨਹੀਂ ਹੋਇਆ।