ਨਵੀਂ ਦਿੱਲੀ, ਟੈੱਕ ਡੈਸਕ : ਜੇਕਰ ਅਸੀਂ ਇਹ ਕਹੀਏ ਕਿ ਹਾਲ ਹੀ ‘ਚ ਲਾਂਚ ਹੋਏ Apple iPhone 15 Pro ਦਾ ਭਾਰਤੀ ਰਾਸ਼ਟਰੀ ਪੁਲਾੜ ਖੋਜ ਸੰਗਠਨ ਯਾਨੀ ISRO ਨਾਲ ਖਾਸ ਸੰਬੰਧ ਹੈ, ਤਾਂ ਇਕ ਪਲ ਲਈ ਤੁਹਾਡਾ ਧਿਆਨ ਵੀ ਇਸ ਵੱਲ ਆ ਜਾਵੇਗਾ। ਦਰਅਸਲ, ਇਹ ਸਿਰਫ ਅਸੀਂ ਹੀ ਨਹੀਂ ਕਹਿ ਰਹੇ ਬਲਕਿ Apple iPhone 15 Pro ਵਿੱਚ ਮੌਜੂਦ ਇੱਕ ਖਾਸ ਫੀਚਰ ਦੀ ਵਜ੍ਹਾ ਨਾਲ ਅਜਿਹਾ ਸੰਭਵ ਹੋ ਸਕੇਗਾ।
Phone 15 Pro Series ਦਾ ਇਕ ਖਾਸ ਫੀਚਰ
ਐਪਲ ਨੇ iPhone 15 Pro ਸੀਰੀਜ਼ ਨੂੰ ਪਰਫਾਰਮੈਂਸ ਤੇ ਕੈਮਰਾ ਅਪਗ੍ਰੇਡ ਨਾਲ ਪੇਸ਼ ਕੀਤਾ ਹੈ। ਇਸ ਦੇ ਨਾਲ ਹੀ ਐਪਲ ਨੇ ਆਈਫੋਨ 15 ਪ੍ਰੋ ਸੀਰੀਜ਼ ਨੂੰ ਖਾਸ ਕੁਨੈਕਟੀਵਿਟੀ ਫੀਚਰ ਨਾਲ ਪੇਸ਼ ਕੀਤਾ ਹੈ। ਆਈਫੋਨ 15 ਪ੍ਰੋ ਸੀਰੀਜ਼ ਦੇ ਨਾਲ ਯੂਜ਼ਰਜ਼ ਕੋਲ ਇਸਰੋ ਦੀ NavIC ਤਕਨਾਲੋਜੀ ਹੋਵੇਗੀ। ਇਹ ਐਪਲ ਆਈਫੋਨ ਯੂਜ਼ਰਜ਼ ਨੂੰ ਨੇਵੀਗੇਸ਼ਨ ਸਪੋਰਟ ਦੀ ਸਹੂਲਤ ਦੇਵੇਗੀ।
ਕੀ ਹੈ NavIC ਤਕਨਾਲੋਜੀ ?
ਦਰਅਸਲ, ਇਹ ਗਲੋਬਲ ਪੋਜ਼ੀਸ਼ਨਿੰਗ ਸਿਸਟਮ ਦਾ ਭਾਰਤ ਦਾ ਸਵਦੇਸ਼ੀ ਸੰਸਕਰਣ ਹੋਵੇਗਾ। ਹਾਲਾਂਕਿ, ਇਹ ਸਿਰਫ ਅਮਰੀਕੀ ਸਰਕਾਰ ਵੱਲੋਂ ਚਲਾਇਆ ਜਾਵੇਗਾ। ਇਸਰੋ ਨੇ ਮੋਬਾਈਲ ਚਿੱਪਸੈੱਟਾਂ ‘ਚ ਸਵਦੇਸ਼ੀ ਤਕਨਾਲੋਜੀ ਦੇ ਇੰਟੀਗ੍ਰੇਸ਼ਨ ਲਈ ਕੁਆਲਕਾਮ ਨਾਲ ਕੰਮ ਕੀਤਾ ਹੈ।
ਹਾਲਾਂਕਿ, ਹੁਣ ਇਸਰੋ ਸਿੱਥੇ ਐੱਪਲ ਨਾਲ ਮਿਲ ਕੇ A17 ਪ੍ਰੋ ਚਿੱਪਸੈੱਟ ਲਈ ਕੰਮ ਕਰ ਰਿਹਾ ਸੀ। ਐਪਲ ਤੇ ਇਸਰੋ ਨੇ ਸਾਂਝੇ ਤੌਰ ‘ਤੇ ਨਵੇਂ ਆਈਫੋਨ ਪ੍ਰੋ ਮਾਡਲ ‘ਚ ਭਾਰਤ ਦੀ ਸਵਦੇਸ਼ੀ ਨੇਵੀਗੇਸ਼ਨ ਤਕਨੀਕ NavIC ਨੂੰ ਪੇਸ਼ ਕੀਤਾ ਹੈ। NavIC ਤਕਨੀਕ ਨੂੰ ਐਪਲ ਦੀ ਅਧਿਕਾਰਤ ਵੈੱਬਸਾਈਟ ‘ਤੇ ਪ੍ਰੋ ਮਾਡਲ ਦੇ ਲੋਕੇਸ਼ਨ ਸੈਗਮੈਂਟ ‘ਚ ਦੇਖਿਆ ਜਾ ਸਕਦਾ ਹੈ।
NavIC ਤਕਨਾਲੋਜੀ ਕਿਵੇਂ ਕਰਦੀ ਹੈ ਕੰਮ ?
NavIC ਦੇ ਨਾਲ ਐਪਲ ਯੂਜ਼ਰਜ਼ ਨੂੰ ਦੋ ਤਰ੍ਹਾਂ ਦੀਆਂ ਲੋਕੇਸ਼ਨ ਸੇਵਾਵਾਂ ਮਿਲਦੀਆਂ ਹਨ। ਯੂਜ਼ਰ ਨੂੰ ਸਟੈਂਡਰਡ ਪੁਜ਼ੀਸ਼ਨਿੰਗ ਸਰਵਿਸ ਦੇ ਨਾਲ-ਨਾਲ ਐਨਕ੍ਰਿਪਟਡ ਸਰਵਿਸ ਵੀ ਮਿਲਦੀ ਹੈ।
ਦਰਅਸਲ, ਐਨਕ੍ਰਿਪਟਡ ਸਰਵਿਸ ਸੁਰੱਖਿਆ ਏਜੰਸੀਆਂ ਤੇ ਮਿਲਟਰੀ ਅਸੈੱਸ ਲਈ ਪੇਸ਼ ਕੀਤੀਆਂ ਗਈਆਂ ਹਨ। ਹਾਲਾਂਕਿ, ਸਾਨੂੰ ਇਹ ਦੇਖਣ ਲਈ ਥੋੜਾ ਹੋਰ ਇੰਤਜ਼ਾਰ ਕਰਨਾ ਹੋਵੇਗਾ ਕਿ ਐਪਲ ਦੇ ਪ੍ਰੋ ਮਾਡਲਾਂ ‘ਚ ਭਾਰਤੀ ਯੂਜ਼ਰਜ਼ ਲਈ ਇਹ ਫੀਚਰ ਕਦੋਂ ਪੇਸ਼ ਕੀਤਾ ਜਾ ਸਕੇਗਾ।
