ਬਾਦਲਾਂ ਨੇ ਪਹਿਲਾਂ ਸਿੱਖੀ ਦਾ ਘਾਣ ਕੀਤਾ, ਹੁਣ ਸਿੱਖਾਂ ਦਾ ਵੀ ਕਰਵਾ ਸਕਦੇ ਹਨ: ਬਰਨਾਲਾ

ਧੂਰੀ, (ਬਲਵਿੰਦਰ ਸਿੰਘ ਭੁੱਲਰ): ਪੰਜਾਬ ਵਿਚ ਰਾਜ ਕਰਦੀ ਪਾਰਟੀ ਸ਼੍ਰੋਮਣੀ ਅਕਾਲੀ ਦਲ ਦੀ ਸੂਬਾ ਸਰਕਾਰ ਦੇ ਮੁੱਖ ਮੰਤਰੀ ਪਰਕਾਸ਼ ਸਿੰਘ ਬਾਦਲ ਅਤੇ ਉਨ੍ਹਾਂ ਦੇ ਸਪੁੱਤਰ ਉੱਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਬਹੁਤ ਹੀ ਜ਼ਿੰਮੇਵਾਰ ਅਹੁਦੇ ‘ਤੇ ਬਿਰਾਜਮਾਨ ਹਨ ਪਰ ਕੁੱਝ ਦਿਨ ਪਹਿਲਾਂ ਸੁਪਰੀਮ ਕੋਰਟ ਵਿਚੋਂ ਖਾਰਜ ਐਸ.ਵਾਈ.ਐਲ. ਨਹਿਰ ਦੇ ਕੇਸ ਦੇ ਨਾਜ਼ੁਕ ਮਾਮਲੇ ਸਬੰਧੀ ਇਹ ਦੋਵੇਂ ਪਿਉ-ਪੁੱਤ ਜਿਹੜੀ ਭੜਕਾਊ ਬਿਆਨਬਾਜ਼ੀ ਕਰ ਰਹੇ ਹਨ ਉਸ ਨਾਲ ਪੰਜਾਬ ਦਾ ਅਮਨ ਚੈਨ ਮੁੜ ਦਾਅ ‘ਤੇ ਲੱਗ ਸਕਦਾ ਹੈ ਅਤੇ ਸਿੱਖਾਂ ਦਾ ਘਾਣ ਹੋ ਸਕਦਾ ਹੈ।