ਪੁਲੀਸ ਦੇ ਅਣਮਨੁੱਖੀ ਅਤੇ ਜ਼ਾਲਮ ਤਰੀਕੇ ਬਦਲੇ ਜਾਣ ਦੀ ਲੋੜ : ਦਲ ਖ਼ਾਲਸਾ

ਜਲੰਧਰ, (ਮਨਵੀਰ ਸਿੰਘ ਵਾਲੀਆ): ਦਲ ਖ਼ਾਲਸਾ ਨੇ ਪੁਲੀਸ ਵਲੋਂ ਗ੍ਰਿਫ਼ਤਾਰ ਕੀਤੇ ਗਏ ਜਸਪ੍ਰੀਤ ਸਿੰਘ ਜੱਸਾ ‘ਤੇ ਕੀਤੇ ਗਏ ਤਸ਼ਦੱਦ ਦੀ ਨਿਖੇਧੀ ਕਰਦੇ ਹੋਏ ਕਿਹਾ ਹੈ ਕਿ ਪੰਜਾਬ ਪੁਲੀਸ ਨੂੰ ਪੰਜਾਬ ਦੇ ਸਿੱਖ ਨੌਜਵਾਨਾਂ ਪ੍ਰਤੀ ਅਪਣਾ ਇਹ ਵਤੀਰਾ ਬਦਲਣਾ ਚਾਹੀਦਾ ਹੈ। ਪਾਰਟੀ ਦੇ ਸਾਬਕਾ ਪ੍ਰਧਾਨ ਹਰਚਰਨਜੀਤ ਸਿੰਘ ਧਾਮੀ ਨੇ ਕਿਹਾ ਕਿ ਇਕ ਯੋਜਨਬੱਧ ਤਰੀਕੇ ਨਾਲ ਪੰਜਾਬ ਪੁਲੀਸ ਥਾਣਿਆਂ ਅੰਦਰ ਸਿੱਖ ਨੌਜਵਾਨਾਂ ਉਪਰ ਅਣਮਨੁੱਖੀ ਤਸ਼ਦੱਦ ਕੀਤਾ ਜਾਂਦਾ ਹੈ ਜੋ ਕਿ ਸਰਾਸਰ ਗ਼ਲਤ ਅਤੇ ਗ਼ੈਰ ਕਾਨੂੰਨੀ ਵਰਤਾਰਾ ਹੈ ਜਿਸ ਦੀ ਇਜਾਜ਼ਤ ਕੋਈ ਵੀ ਅਦਾਲਤ ਜਾਂ ਕਾਨੂੰਨ ਨਹੀਂ ਦਿੰਦਾ ਹੈ। ਉਨ੍ਹਾਂ ਕਿਹਾ ਕਿ ਪੁਲੀਸ ਨੂੰ ਅਪਣੇ ਅਣਮਨੁੱਖੀ ਅਤੇ ਜੁਲਮੀ ਢੰਗ ਤਰੀਕੇ ਬਦਲਣੇ ਚਾਹੀਦੇ ਹਨ।