ਗੁਰਪਤਵੰਤ ਸਿੰਘ ਪਨੂੰ ਤੇ ਹਰਦੀਪ ਸਿੰਘ ਨਿੱਝਰ ਦੀ ਜ਼ਮੀਨ ਜ਼ਬਤ

ਨਵੀਂ ਦਿੱਲੀ : ਭਾਰਤ ਸਰਕਾਰ ਨੇ ਮੰਗਲਵਾਰ ਹੁਕਮ ਜਾਰੀ ਕਰਨ ਦੇ ਨਾਲ ਹੀ ਦਹਿਸ਼ਤਗਰਦ ਐਲਾਨੇ ਜਾ ਚੁੱਕੇ ਗੁਰਪਤਵੰਤ ਸਿੰਘ ਪਨੂੰ ਤੇ ਹਸਿੰਘ ਰਦੀਪ ਸਿੰਘ ਨਿੱਝਰ ਦੀ ਅੰਮ੍ਰਿਤਸਰ ਤੇ ਜਲੰਧਰ ਵਿਚ ਅਚੱਲ ਜਾਇਦਾਦ ਜ਼ਬਤ ਕਰ ਲਈ ਹੈ। ਜਾਂਚ ਕਰਨ ਵਾਲੀ ਏਜੰਸੀ ਐੱਨ ਆਈ ਏ ਦੇ ਇਕ ਸੀਨੀਅਰ ਅਫਸਰ ਮੁਤਾਬਕ ਪਨੂੰ ਦੀ ਅੰਮ੍ਰਿਤਸਰ ਜ਼ਿਲ੍ਹੇ ਦੇ ਖਾਨਕੋਟ ਪਿੰਡ ਵਿਚ 46 ਕਨਾਲ ਅਤੇ ਸੁਲਤਾਨਵਿੰਡ ਸਬਰਬਨ ਭੈਣੀਵਾਲ ਵਿਚ 11 ਕਨਾਲ ਤੇ ਸਾਢੇ 13 ਮਰਲੇ ਜ਼ਮੀਨ ਅਟੈਚ ਕਰ ਲਈ ਗਈ ਹੈ। ਇਸੇ ਤਰ੍ਹਾਂ ਨਿੱਝਰ ਦੀ ਜਲੰਧਰ ਜ਼ਿਲ੍ਹੇ ਦੇ ਪਿੰਡ ਭਾਰ ਸਿੰਘਪੁਰਾ (ਫਿਲੌਰ) ਵਿਚਲੀ 11 ਕਨਾਲ 13 ਮਰਲੇ ਜ਼ਮੀਨ ਅਟੈਚ ਕਰ ਲਈ ਗਈ ਹੈ। ਅਧਿਕਾਰੀ ਨੇ ਦੱਸਿਆ ਕਿ ਸਿੱਖਸ ਫਾਰ ਜਸਟਿਸ ਨਾਂਅ ਦੀ ਜਥੇਬੰਦੀ ਦੇ ਝੰਡੇ ਹੇਠ ਖਾਲਿਸਤਾਨ ਕਾਇਮ ਕਰਨ ਲਈ ‘ਸਿਖ ਰੈਫਰੈਂਡਮ 2020’ ਤਹਿਤ ਚਲਾਈ ਜਾ ਰਹੀ ਮੁਹਿੰਮ ਦੀ ਜਾਂਚ ਦੇ ਹਿੱਸੇ ਵਜੋਂ ਇਹ ਕਾਰਵਾਈ ਕੀਤੀ ਗਈ ਹੈ। ਦੋਨੋਂ ਵਿਦੇਸ਼ ਵਿਚ ਰਹਿੰਦੇ ਹਨ।