ਸੀਤਾਪੁਰ ਦੀ ਜ਼ਿਲਾ ਮੈਜਿਸਟਰੇਟ ਸ਼ੀਤਲ ਵਰਮਾ ਦੇ ਨਿਰਦੇਸ਼ ‘ਤੇ ਵੀਰਵਾਰ ਨੂੰ ਜਾਰੀ ਕੀਤਾ ਗਿਆ ਇਸ ਆਦੇਸ਼ ‘ਚ ਬੀ.ਐੱਸ.ਏ. ਨੇ ਆਪਣੇ ਸਾਰੇ ਵਿਦਿਆਰਥੀਆਂ ਤੇ ਕਰਮਚਾਰੀਆਂ ਨੂੰ ਇਹ ਆਦੇਸ਼ ਦਿੱਤਾ ਹੈ ਕਿ ਪਖਾਨੇ ਨਾਲ ਤਸਵੀਰ ਖਿੱਚ ਕੇ ਤਿੰਨ ਦਿਨ ‘ਚ ਅਧਿਕਾਰੀ ਨੂੰ ਦੇਣੀ ਹੋਵੇਗੀ ਨਹੀਂ ਤਾਂ ਮਈ ਮਹੀਨੇ ਦੀ ਤਨਖਾਹ ਰੋਕ ਦਿੱਤੀ ਜਾਵੇਗੀ। ਉੱਥੇ ਹੀ ਇਸ ਬਾਰੇ ‘ਚ ਬੀ.ਐੱਸ.ਏ. ਅਜੇ ਕੁਮਾਰ ਨੇ ਕਿਹਾ ਕਿ ਇਹ ਆਦੇਸ਼ ਸਿਰਫ ਇਸ ਲਈ ਹੈ ਕਿ ਜੋ ਕਰਮਚਾਰੀ ਅਧਿਕਾਰੀ ਪਖਾਨੇ ਦਾ ਇਸਤੇਮਾਲ ਨਹੀਂ ਕਰਦੇ ਹਨ ਉਹ ਵੀ ਕਰਨ ਅਤੇ ਸਵੱਚਤਾ ਨੂੰ ਬੜਾਵਾ ਦੇਣ। ਡੀ.ਐੱਮ. ਦੀ ਇਹ ਕੋਸ਼ਿਸ਼ ਹੈ, ਉਨ੍ਹਾਂ ਦੇ ਆਦੇਸ਼ ‘ਤੇ ਅਮਲ ਕੀਤਾ ਜਾ ਰਿਹਾ ਹੈ।
ਇਹ ਆਦੇਸ਼ ਸ਼ੁੱਕਰਵਾਰ ਨੂੰ ਸੁਰੱਖੀਆਂ ‘ਚ ਆਇਆ ਤਾਂ ਵਿਰੋਧ ਸ਼ੁਰੂ ਹੋ ਗਿਆ। ਦਰਅਸਲ ਇਸ ‘ਚ ਸਭ ਤੋਂ ਵੱਧ ਪੜੇ ਲਿਖੇ ਮੁੱਢਲੀ ਸਿੱਖਿਆ ਵਿਭਾਗ ‘ਚ ਹੈ। ਵਿਭਾਗ ਦੀ ਮਹਿਲਾ ਅਧਿਆਪਕਾਂ ਨੇ ਵੀ ਇਸ ‘ਤੇ ਪਰਦੇ ਦੇ ਪਿੱਛੇ ਤੋਂ ਖੇਦ ਜਾਹਰ ਕੀਤੀ ਹੈ। ਮਹਿਲਾਵਾਂ ਦੀ ਮੰਗ ਨੂੰ ਦੇਖਦੇ ਹੋਏ ਅਧਿਆਪਕ ਐਸੋਸੀਏਸ਼ਨ ਨੇ ਅੰਦੋਲਨ ਦਾ ਰੂਪ ਆਪਣਾ ਲਿਆ ਹੈ। ਬੇਸਿਕ ਅਧਿਆਪਕ ਐਸੋਸੀਏਸ਼ਨ ਦੇ ਜ਼ਿਲਾ ਪ੍ਰਧਾਨ ਰਾਜ ਕਿਸ਼ੋਰ ਸਿੰਘ ਨੇ ਸ਼ੁੱਕਰਵਾਰ ਨੂੰ ਬੀ.ਐੱਸ.ਏ. ਨਾਲ ਮਿਲ ਕੇ ਮੰਗ ਕੀਤੀ ਹੈ ਕਿ ਪ੍ਰਮਾਣ ਪੱਤਰ ਲਿਆ ਜਾਵੇਗਾ ਪਰ ਨਾਲ ਹੀ ਫੋਟੋ ਲਾਜ਼ਮੀ ਹੋਣੀ ਖਤਮ ਕਰ ਦਿੱਤੀ ਜਾਵੇ। ਪਰ ਬੀ.ਐੱਸ.ਏ. ਨੇ ਡੀ.ਐੱਮ. ਦਾ ਆਦੇਸ਼ ਪਾਲਣ ਕਰਨ ਦਾ ਵਾਸਤਾ ਦੇ ਕੇ ਮੰਗ ਠੁਕਰਾ ਦਿੱਤੀ।